અત્યાર સુધી પરીક્ષામાં નકલ કરવાની ઘણી રીતો સામે આવી છે, પરંતુ ભાગ્યે જ કોઈએ કલ્પના કરી હશે કે કોરોના વાયરસથી બચાવવા માટેના માસ્કનો ઉપયોગ નકલમાં પણ થશે. પરંતુ છેતરપિંડી કરીને પરીક્ષામાં પ્રવેશ મેળવનારાઓએ તેનો ઉપયોગ પણ શરૂ કરી દીધો છે. મહારાષ્ટ્રના પિંપરી ચિંચવાડમાં માસ્ક દ્વારા નકલ કરવાનો મામલો સામે આવ્યો છે
પિંપરી ચિંચવડના હિંજેવાડીમાં પોલીસ કોન્સ્ટેબલની ભરતી માટે પરીક્ષા ચાલી રહી હતી. આ તપાસ દરમિયાન એક વ્યક્તિના માસ્કમાં ઈલેક્ટ્રોનિક ડિવાઈસ ફીટ કરવામાં આવ્યું હતું. પિંપરી ચિંચવાડના પોલીસ કમિશનરે જણાવ્યું હતું કે એક વ્યક્તિ કોન્સ્ટેબલની ભરતી પરીક્ષામાં ભાગ લેવા આવ્યો હતો, જેની તપાસ કર્યા પછી ઇલેક્ટ્રોનિક ઉપકરણથી સજ્જ માસ્ક જપ્ત કરવામાં આવ્યો હતો.
પોલીસ કમિશનરના જણાવ્યા અનુસાર, વ્યક્તિએ પહેરેલા માસ્કમાંથી સિમ કાર્ડ, માઈક અને બેટરી મળી આવી હતી. જોકે તપાસ દરમિયાન માસ્ક જપ્ત કરવામાં આવ્યો હતો, પરંતુ આરોપી નાસી છૂટવામાં સફળ રહ્યો હતો. બાદમાં પોલીસે માસ્કમાં ઈલેક્ટ્રોનિક ડિવાઈસ મુકવા બદલ બે લોકોની ધરપકડ કરી હતી. તેઓને ત્રણ દિવસની પોલીસ કસ્ટડીમાં મોકલી દેવામાં આવ્યા છે.
