દિલ્હી CM અરવિંદ કેજરીવાલની ધરપકડ બાદ જેલમાંથી સરકાર ચલાવવા પર ભાજપે LGને ફરિયાદ કરી. દિલ્હીના મુખ્યમંત્રી અરવિંદ કેજરીવાલે મંગળવારે એન્ફોર્સમેન્ટ ડિરેક્ટોરેટ (ED) ની કસ્ટડીમાંથી તેમનો બીજો નિર્દેશ જારી કર્યો છે. આ પહેલા CM અરવિંદ કેજરીવાલે પાણી મંત્રાલયને ગટરની સમસ્યા અંગે પહેલો આદેશ આપ્યો હતો, જ્યારે આજે બીજો આદેશ આરોગ્ય મંત્રાલયને આપવામાં આવ્યો છે.
આ મામલે ભાજપ અને આમ આદમી પાર્ટી વચ્ચે વિવાદ વધી ગયો છે. આ મામલો હવે દિલ્હીના લેફ્ટનન્ટ ગવર્નર વિનય કુમાર સક્સેના સુધી પહોંચ્યો છે. તાજેતરની માહિતી અનુસાર, બીજેપી નેતા મનજિંદર સિંહ સિરસાએ લેફ્ટનન્ટ ગવર્નરને મુખ્ય પ્રધાન દ્વારા ઇડીની કસ્ટડીમાંથી સૂચના જારી કરવાની ફરિયાદ કરી છે. તેમણે કહ્યું કે આવી સૂચનાઓ જારી કરી શકાય નહીં.
બીજેપી નેતા મનજિન્દર સિંહ સિરસાએ સીવરેજ સમસ્યાને લઈને સીએમ દ્વારા આપવામાં આવેલા આદેશની સત્યતા પર સવાલ ઉઠાવ્યા છે. સાથે જ દિલ્હીના લેફ્ટનન્ટ ગવર્નરને પત્ર લખીને કહ્યું કે દસ્તાવેજમાં કેજરીવાલની સહી નથી અને તેની બનાવટી સામે એફઆઈઆર નોંધવાની વિનંતી કરી છે. સિરસાએ કહ્યું કે ઓર્ડર પર અરવિંદ કેજરીવાલની સહી પણ નથી, તેથી આ ઓર્ડર નકલી છે. દિલ્હીના જળ મંત્રી આતિશીએ પોતાની સત્તાવાર ક્ષમતાનો ગેરકાયદેસર ઉપયોગ કર્યો છે.
કેજરીવાલ EDની કસ્ટડીમાંથી સરકાર ચલાવી રહ્યા છે. એક્સાઇઝ પોલિસી કૌભાંડ સંબંધિત મની લોન્ડરિંગ કેસમાં ધરપકડ કરાયેલા મુખ્યમંત્રી અરવિંદ કેજરીવાલે EDની કસ્ટડીમાંથી સરકાર ચલાવવાનું શરૂ કર્યું છે. રવિવારે જળ મંત્રી આતિશીને આપેલા પોતાના પહેલા આદેશમાં તેમણે કહ્યું હતું કે દિલ્હીમાં ગટર અને પાણીની સમસ્યાનો ઉકેલ લાવવો જોઈએ. તેણે લખ્યું હતું કે, હું જેલમાં છું, પરંતુ લોકોને કોઈ મુશ્કેલીનો સામનો કરવો ન પડે.
આ પણ વાંચોઃ Gujarat-Heartattack/સુરતમાં 35 વર્ષીય જિમ ટ્રેનરનું હાર્ટએટેકથી મોત, કોઈપણ બીમારી ના હોવા છતાં યુવાન થયો હાર્ટએટેકનો શિકાર
આ પણ વાંચોઃ Surendranagar/ચોટીલા પાસે એમ્બ્યુલન્સ અને ટ્રક વચ્ચે સર્જાયો ગમખ્વાર અકસ્માત, ઘટનાસ્થળ પર જ 3ના મોત
આ પણ વાંચોઃ cm arvind kejrival/અરવિંદ કેજરીવાલની ધરપકડના વિરોધમાં આપ પાર્ટી આજે PM મોદીના નિવાસ્થાનનો કરશે ઘેરાવો, પોલીસે ટ્રાફિક એડવાઈઝરી કરી જાહેર
