હોળીનો તહેવાર નજીકમાં જ છે. આ વર્ષે હોળી 25 માર્ચે ઉજવવામાં આવશે. ઘરો અને બજારોમાં તહેવારની ઉજવણીને લઈને તૈયારીઓ શરૂ થઈ ગઈ છે. હોળી રંગોનો તહેવાર છે. લોકો બજારમાં રંગની ખરીદી કરવા ઉમટી પડ્યા છે. બજારમાં મળતા રંગોમાં કેમિકલનો ઉપયોગ કરવામાં આવ્યો હોય છે. જે આપણી ત્વચા માટે હાનિકારક છે. આ માત્ર ત્વચામાં ખંજવાળ, બળતરા અને શુષ્કતાનું કારણ નથી, પરંતુ આંખોમાં બળતરા પણ પેદા કરે છે. રંગમાં રંગાવુ બધાને પસંદ હોય છે. પરંતુ કેટલાક લોકો ત્વચા પર રંગની એલર્જી થવાના ડરે તહેવારની ઉજવણીમાં ઉત્સાહથી ભાગ લઈ શકતા નથી.
ઘણા લોકોને આ રંગોથી એલર્જી પણ થઈ જાય છે. આ સમસ્યાઓનો એક જ ઉપાય છે Natural colour. આ વખતે તમે વિવિધ પ્રકારના ફૂલોનો ઉપયોગ કરીને ઘરે હોળી માટે Natural colour બનાવી શકો છો. આ Natural colour કેમિકલથી મુક્ત હોય છે અને ત્વચાને કોઈ પ્રકારે નુકસાન પણ નથી કરતા. આ રીતે ફૂલોની મદદથી ઘરે હોળીના રંગો તૈયાર કરો.
લાલ રંગ લગભગ તમામ લોકોનો પ્રિય કલર છે. લાલ રંગ પ્રેમનું પ્રતીક છે. લાલ રંગ જીવનમાં ઉત્સાહ અને ઉર્જા દર્શાવે છે. તમે Red Natural colour બનાવવા હિબિસ્કસના ફૂલોનો ઉપયોગ કરી શકો છો. આ ફૂલો સરળતાથી મળી રહે છે. લાલ રંગ બનાવવા માટે, હિબિસ્કસના ફૂલોને સારી રીતે ધોઈ લો અને તેને તડકામાં સૂકવી દો. સુકાઈ ગયા પછી તેને મિક્સર ગ્રાઇન્ડરમાં પીસી લો. આ પછી તેમાં લોટ અથવા કોર્ન સ્ટાર્ચ ઉમેરો. રેડ હર્બલ કલર તૈયાર છે. જો તમારે ભીનો લાલ રંગ બનાવવો હોય તો દાડમની છાલને પાણીમાં ઉકાળો અથવા તમે ઇચ્છો તો હિબિસ્કસના ફૂલનો પાવડર પાણીમાં મિક્સ કરી શકો છો.
હોળીમાં લાલ રંગ સાથે કેસરી રંગપણ ઘણા લોકોનો પ્રિય કલર છે. Orange Natural colour બનાવવા માટે ટેસુના ફૂલોનો ઉપયોગ કરી શકાય છે. તેમના રંગોને કારણે તેમને જંગલની આગ પણ કહેવામાં આવે છે. કેસરી રંગ બનાવવા માટે ટેસુના ફૂલ લઈને તેને પીસીને પાવડર બનાવી લો. હવે આ પાવડરને બમણા લોટ અથવા મકાઈના સ્ટાર્ચ સાથે મિક્સ કરો. તમે ટેસુ ફૂલોમાંથી રંગીન પાણી પણ બનાવી શકો છો. આ માટે ટેસુના ફૂલોને આખી રાત પાણીમાં પલાળી રાખવાના રહેશે. સવાર સુધીમાં તમામ પાણી કેસરી થઈ જશે. તમે આ પાણીનો ઉપયોગ તમારી પિચકારી માટે કરી શકો છો.
Yellow Natural colour બનાવવા માટે મેરીગોલ્ડ અને અમલટાસના ફૂલોનો ઉપયોગ કરી શકાય છે. આમાંથી કોઈપણ એક ફૂલ જરૂર મુજબ લો અને તેને એક બાઉલમાં આખી રાત પલાળી રાખો. સવારે પાણી પીળું થઈ જશે અને તમે હોળી દરમિયાન આ રંગીન પાણીથી રમી શકો છો. જો તમારે સૂકો કલર બનાવવો હોય તો ક્રાયસન્થેમમ અથવા મેરીગોલ્ડની પાંદડીઓને સૂકવીને મિક્સરમાં પીસી લો. તમે તેમાં લોટ અથવા કોર્નફ્લોર ઉમેરી શકો છો અને તમારું હર્બલ પીળો ગુલાલ તૈયાર છે.
અપરાજિતાના ફૂલોમાંથી Blue Natural colour બનાવી શકો છો. તેનો ઉપયોગ રંગીન પાણી અને સૂકો ગુલાલ બંને બનાવવા માટે કરી શકાય છે. ગુલાલ બનાવવા માટે તેને સૂકવીને ગ્રાઇન્ડરમાં પીસી લો. તમે તેમાં લોટ અથવા કોર્ન સ્ટાર્ચ ઉમેરીને વાદળી રંગ તૈયાર કરી શકો છો. તમારે તેનો પ્રવાહી રંગ બનાવવા માટે વધુ પ્રયત્નો કરવાની જરૂર નથી. ફક્ત ફૂલોને પાણીમાં ઉકાળો અને તમારો ભીનો વાદળી રંગ તૈયાર છે.
લીમડાના પાનને પીસીને Green Natural colour સરળતાથી તૈયાર કરી શકાય છે. લીલો રંગ બનાવવા માટે લીમડાના પાનને સૂકવીને પીસીને બારીક પાવડર બનાવી લો. જો તમે ઇચ્છો, તો તમે તેનો ઉપયોગ ગુલાલ અથવા પ્રવાહી રંગની જેમ પણ કરી શકો છો. ધ્યાનમાં રાખો કે તમારે હોળીના દિવસો પહેલા ફૂલોમાંથી Natural colour બનાવવાની તૈયારી કરવી પડશે. કુદરતી રંગો ત્વચાને નુકસાન પણ કરતા નથી અને તેને ફરીવાર ઉપયોગમાં પણ લઈ શકો છો. આજકાલ કુદરતી રંગોથી હોળી રમવાનું ચલણ વધ્યું છે.
આ પણ વાંચોઃરાજ્યમાં હીટવેવની ચેતવણી, નેતાઓને ગરમીમાં કરવો પડશે પ્રચાર
આ પણ વાંચોઃયુજીસીની લોકપાલ નીમવાની સૂચનાને ઘોળીને પી ગઈ ગુજરાતની 20 યુનિવર્સિટી
આ પણ વાંચોઃ પોલીસકર્મીએ હાથ લારીને લીધી અડફેટે, ત્યારબાદ તપાસમાં થયેલા ખુલાસાને વાંચશો તો…