@સરફરાજ નાગોરી
World News: પાડોશી ચીનની મેલી નજર હંમેશા ભારતના સ્વાભિમાન સમાન અરુણાચલ પ્રદેશ પર રહી છે. ત્યારે તાજેતરમાં અમેરિકાએ પણ એ વાતનો સ્વીકાર કર્યો છે કે અરુણાચલ પ્રદેશ એ ભારતનું અંગ છે તેથી LAC પર કોઈપણ પ્રકારની ઘૂસણખોરી થાય તે ઉચિત નથી. ભારતે અરુણાચલ પ્રદેશ પર ચીનના ક્ષેત્રીય દાવાઓને વારંવાર નકારી કાઢ્યા છે અને કહ્યું છે કે રાજ્ય દેશનો અભિન્ન અંગ છે. ભારતે આ વિસ્તારને ‘કાલ્પનિક’ નામ આપવાના બેઇજિંગના પગલાને પણ નકારી કાઢ્યું હતું.
યુ.એસ.એ. અરુણાચલ પ્રદેશને ભારતીય પ્રદેશ તરીકે ઓળખે છે અને વાસ્તવિક નિયંત્રણ રેખા પર પ્રાદેશિક દાવા કરવાના કોઈપણ પ્રયાસોનો સખત વિરોધ કરે છે. વડાપ્રધાન નરેન્દ્ર મોદીની અરુણાચલની મુલાકાતને લઈને ચીનની સેનાએ રાજ્ય પર પોતાનો દાવો પુનરાવર્તિત કર્યાના થોડા દિવસો બાદ અમેરિકાના એક સત્તાવાર પ્રવક્તાએ આ વાત કરી હતી.
ચીનની અવડચંડાઈ અને ઘમંડનો વધુ એક પરચો આપતાં ચીનના સંરક્ષણ મંત્રાલયના પ્રવક્તા કર્નલ ઝાંગ ઝિયાઓગાંગે કહ્યું હતું કે જીજાંગનો દક્ષિણ ભાગ (તિબેટ માટે ચીનનું નામ) ચીનના ક્ષેત્રનો આંતરિક ભાગ છે. અરુણાચલ પ્રદેશને દક્ષિણ તિબેટ કહેનાર ચીન આ રાજ્યમાં ભારતીય નેતાઓની મુલાકાતનો વિરોધ કરી રહ્યું છે, બેઈજિંગે આ પ્રદેશનું નામ ઝંગનાન પણ રાખ્યું છે.
અરુણાચલ પ્રદેશને ભારતીય પ્રદેશ તરીકે માન્યતા” 9 માર્ચે વડાપ્રધાન મોદીએ અરુણાચલ પ્રદેશમાં 13,000 ફૂટની ઉંચાઈ પર બનેલી સેલા ટનલ રાષ્ટ્રને સમર્પિત કરી હતી. આ ટનલ વ્યૂહાત્મક રીતે સ્થિત તવાંગને તમામ હવામાનમાં કનેક્ટિવિટી પ્રદાન કરશે અને સરહદી વિસ્તારોમાં સૈનિકોની વધુ સારી અવરજવરમાં પણ મદદ કરશે.
ચીનના ક્ષેત્રીય દાવાને ભારતે જડમુળ માંથી ઉખાડી ફેંક્યા
અરુણાચલ પ્રદેશ મુદ્દે હમેશા પોકડ દાવાઓ કરતું ચીન હવે આંતરરાષ્ટ્રીય સ્તરે પણ જગજાહેર થઇ ચૂક્યું છે. ભારતે અરુણાચલ પ્રદેશ પર ચીનના દાવાને વધુ એક વાર તર્કબદ્ધ રીતે નકારતા કહ્યું છે કે રાજ્ય દેશનો અભિન્ન અંગ છે. ભારતે પ્રદેશને ‘મેડ-અપ’ નામ આપવાના બેઇજિંગના પગલાને પણ નકારી કાઢ્યું છે અને કહ્યું છે કે તેનાથી વાસ્તવિકતા બદલાશે નહીં.ભારતીય વિદેશ મંત્રાલયે મંગળવારે કહ્યું કે તેણે અરુણાચલ પ્રદેશના પ્રદેશ પર “વાહિયાત દાવાઓ” કરી રહેલા ચીની સંરક્ષણ મંત્રાલયના પ્રવક્તા દ્વારા તાજેતરના નિવેદનોની નોંધ લીધી છે. વિદેશ મંત્રાલયે કહ્યું કે અરુણાચલ પ્રદેશ ભારતનો અભિન્ન અને અવિભાજ્ય હિસ્સો હતો, છે અને રહેશે.
આ પણ વાંચોઃરાજ્યમાં હીટવેવની ચેતવણી, નેતાઓને ગરમીમાં કરવો પડશે પ્રચાર
આ પણ વાંચોઃયુજીસીની લોકપાલ નીમવાની સૂચનાને ઘોળીને પી ગઈ ગુજરાતની 20 યુનિવર્સિટી
આ પણ વાંચોઃ પોલીસકર્મીએ હાથ લારીને લીધી અડફેટે, ત્યારબાદ તપાસમાં થયેલા ખુલાસાને વાંચશો તો…