દ્વારિકાના ભાણવડ નજીક છકડો રિક્ષા પુલ પરથી નીચે ખાબકી, ત્રણના કરુણ મોત

ગમખ્વાર અકસ્માત/ દ્વારિકાના ભાણવડ નજીક છકડો રિક્ષા પુલ પરથી નીચે ખાબકી, ત્રણના કરુણ મોત

ભાણવડના રોજીવાળા પાસે પુલ પરથી છકડો રિક્ષા નીચે ખાબકતા અકસ્માત સર્જાયો છે. આ અકસ્માતમાં ત્રણ લોકોના મોત નિપજ્યા છે

દ્વારિકાના ભાણવડ નજીક અકસ્માતમાં ત્રણના મોત
8 ઇજાગ્રસ્તોને જામનગર અને ખંભાળિયા રીફર કરાયા
છકડો રિક્ષા પુલ પરથી નીચે ખાબકતા 3ના મોત
ભાણવડ તાલુકાના જામ રોજીવાળા ગામે બની ઘટના
માલવાહક ચાકડો રિક્ષામાં ભર્યા હતા પેસેન્જર

ગુજરાતમાં માર્ગ અકસ્માતની ઘટના અટકવાનું નામ જ નથી લઇ રહી, એક પછી એક માર્ગ અકસ્માતની ઘટનાઓ સામે આવતી રહે છે. ત્યારે આવામાં વધુ એક અકસ્માતની ઘટના સામે આવી છે.

દ્વારિકાના ભાણવડ નજીક અકસ્માતની ઘટના સામે આવી છે.જેમાં ત્રણ લોકોના કરુણ મોત નીપજ્યા છે. જયારે આઠ લોકો ઘાયલ હોવાનું જાણવા મળી રહ્યું છે.

આ અંગે મળતી માહિતી અનુસાર, ભાણવડના રોજીવાળા પાસે પુલ પરથી છકડો રિક્ષા નીચે ખાબકતા અકસ્માત સર્જાયો છે. આ અકસ્માતમાં ત્રણ લોકોના મોત નિપજ્યા છે જ્યારે આઠ જેટલા લોકો ઇજાગ્રસ્ત થયા છે.