New Delhi News: સોશિયલ મીડિયા (Social Media)પર ચોંકાવી દેનારો કિસ્સો સામે આવ્યો છે. હાલમાં જ એક બાળકનો જન્મ 4 ઈંચ લાંબી પૂંછડી સાથે થયો હતો, જેને જોઈને માતા-પિતાની સાથે ડોક્ટરો (Doctors)પણ આશ્ચર્યચકિત થઈ ગયા હતા. આ જ કારણથી બાળકનો ફોટો ઇન્ટરનેટ (Internet) પર વાયરલ (Viral) થઈ રહ્યો છે. કેટલાક તેને ‘ચમત્કાર’ કહી રહ્યા છે, તો કેટલાક તેને બીમારી પણ કહી રહ્યા છે.
ખાનગી મીડિયા મુજબ, વાયરલ થઈ રહેલો આ દુર્લભ કિસ્સો ચીનનો છે, જ્યાં હાંગઝોઉ ચિલ્ડ્રન્સ હોસ્પિટલમાં 4 ઈંચ લાંબી પૂંછડી સાથે જન્મેલું બાળક અચાનક ચર્ચાનો વિષય બની ગયું હતું. હોસ્પિટલના ડોક્ટર લીએ કહ્યું કે આ ખૂબ જ દુર્લભ કેસ છે. પૂંછડી સાથે જન્મેલા બાળકને જોવાનું ખૂબ જ દુર્લભ છે. ડોકટરોએ વધુમાં જણાવ્યું હતું કે કેટલીક ખાસ સ્થિતિને કારણે આવું થઈ શકે છે. આવી પરિસ્થિતિ ત્યારે ઊભી થાય છે જ્યારે અમુક અવયવોનો વિકાસ ખૂબ જ ઝડપથી થાય છે અને પ્રક્રિયાને રોકી શકાતી નથી. અગાઉ અમને શંકા હતી કે કદાચ બાળકની કરોડરજ્જુ બાંધેલી છે, જે પૂંછડી જેવી દેખાતી હતી, પરંતુ જ્યારે બાળકની કરોડરજ્જુનું એમઆરઆઈ સ્કેન કરવામાં આવ્યું ત્યારે તેમની શંકા સાચી નીકળી.
ડોકટરોના જણાવ્યા અનુસાર, મનુષ્યમાં આ બંધાયેલ કરોડરજ્જુ ત્યારે વધે છે જ્યારે કરોડરજ્જુની આસપાસના ટિસ્યુ (પેશીઓ) સાથે જોડાયેલ હોય છે. સામાન્ય રીતે તે કરોડરજ્જુ સાથે જોડાયેલ હોય છે. તેનાથી અનેક પ્રકારની ન્યુરોલોજીકલ સમસ્યાઓ થઈ શકે છે.
ડોક્ટર લીએ સોશિયલ મીડિયા પર એક વીડિયો પણ જાહેર કર્યો, જેમાં કહેવામાં આવ્યું છે કે નવજાત બાળકની પીઠ સાથે 4 ઈંચ લાંબી પૂંછડી જોડાયેલી છે.
ડોકટરોના મતે ચીનમાં આ પહેલો કિસ્સો નથી જ્યારે પૂંછડીવાળા માનવ બાળકનો આ રીતે જન્મ થયો હોય. 10 વર્ષ પહેલા 2014માં ચીનમાં આવો જ એક કિસ્સો સામે આવ્યો હતો, જ્યાં નુઓ નુઓ નામના બાળકની પૂંછડી જન્મના 5 મહિના બાદ બહાર આવી ગઈ હતી. જન્મ સમયે બાળકની કરોડરજ્જુની વચ્ચે એક ગેપ રહી જવાથી આવું બન્યું હતું. બાળકની માતાએ જોયું કે એક પૂંછડી નીકળી હતી, જે પાછળથી વધીને 5 ઈંચ થઈ ગઈ હતી. જ્યારે માતાએ ડોકટરોને પૂંછડી હટાવવાની વિનંતી કરી તો ડોકટરોએ એમ કહીને ના પાડી દીધી કે પૂંછડી બાળકની નર્વસ સિસ્ટમ સાથે જોડાયેલી છે અને જો તેને કાઢી નાખવામાં આવે તો ગંભીર સમસ્યા સર્જાઈ શકે છે.
આ પણ વાંચોઃસુરત વેસુ પોલીસ સ્ટેશનમાં યુવકનું શંકાસ્પદ મોત
આ પણ વાંચોઃભારતીય સેના અહીં લડાયક હેલિકોપ્ટરને તૈનાત કરશે, આત્મનિર્ભરતા તરફ પગલું
આ પણ વાંચોઃતલોદમાં બની શરમજનક ઘટના, પત્નીએ પતિનું કાસળ કાઢી નાખ્યું