ગુજરાતમાં દારૂના વેચાણ અને ઉપયોગ પર પ્રતિબંધ છે. તેમ છતાં, ગુજરાત પોલીસના સ્ટેટ મોનિટરિંગ સેલે રાજસ્થાન અને મહારાષ્ટ્રમાંથી ગેરકાયદેસર રીતે વિદેશી દારૂ અને બિયર ગુજરાતમાં મોકલનારા બે જાણીતા બુટલેગરો સામે મોટી કાર્યવાહી હાથ ધરી છે. બંનેની ધરપકડ કરવામાં આવી છે.ટીમે રાજસ્થાનના સિરોહી જિલ્લાના રહેવાસી આનંદપાલ સિંહ ઉર્ફે દીક્ષા દેવડા ઉર્ફે દીક્ષા મારવાડીની રાજસ્થાનથી ધરપકડ કરી છે.
તેને સિરોહી જિલ્લાના ધાન્તા ગામમાં તેના ફાર્મ હાઉસમાંથી પકડવામાં આવ્યો હતો. આરોપીઓ સામે ગુજરાતમાં દારૂબંધીના 17 કેસ નોંધાયેલા છે. અમદાવાદના રામોલમાં નોંધાયેલા કેસમાં ટીમે તેની ધરપકડ કરી છે. તેની પાસેથી એક મોબાઈલ, બે ડોંગલ્સ, 22 હજાર રોકડ મળી આવી છે. આરોપીઓ રાજસ્થાન, પંજાબ અને હરિયાણામાંથી વિદેશી દારૂ ગુજરાતમાં મોકલતા હતા. તે ગુજરાતના મુખ્ય બુટલેગર વિજય ઉદવાણી ઉર્ફે વિજુ ઉર્ફે વિનોદ સિંધીનો એકાઉન્ટન્ટ હતો.
આ ઉપરાંત મહારાષ્ટ્રના નંદુરબારનો રહેવાસી બુટલેગર વિશ્વાસ ગડારી (બાગોડે) પણ સ્ટેટ મોનિટરિંગ સેલની ટીમે તાપી જિલ્લાના ઉચ્છલ તાલુકામાં ભડભુજા ગામ સ્ટેન્ડ પાસેથી ઝડપ્યો છે. આરોપી મહારાષ્ટ્રના નવાપુરમાં બે વાઈન શોપ ચલાવે છે. ગોવા અને દમણમાંથી વિદેશી દારૂ દક્ષિણ ગુજરાતના બુટલેગરોને મોકલતો હતો. તેની સામે 75 કેસ નોંધાયા છે. ગુજરાત પોલીસ 2018થી તેની સામે નોંધાયેલા 25 કેસમાં શોધી રહી હતી.
આ પણ વાંચો:ગણેશ મહોત્સવને લઈને જાહેરનામું, પીઓપી મૂર્તિ બનાવવા અને વેચાણ પર પ્રતિબંધ
આ પણ વાંચો:માટી સાથે જોડાયેલા મંત્રી મૂળુ બેરા, કેટલી અજાણી વાતો જાણીને કહેશો વાહ…!
આ પણ વાંચો:RTOમાં RC બુકનો ખડકલો, 10,000 કરતા વધુ વાહન માલિકો નથી લેવા આવતા આ અગત્યનું ડોક્યુમેન્ટ
