MLA meet Raj Thackeray: મહારાષ્ટ્રના રાજકારણમાં હાલના દિવસોમાં શું થશે તેની કોઈને ખબર નથી. છેલ્લા બે અઠવાડિયામાં જે પ્રકારની ઉથલપાથલ જોવા મળી, તેનાથી કહેવું સરળ થઈ ગયું કે આ તો રાજકારણ છે ભાઈ, અહીં કંઈ પણ થઈ શકે છે. ફડણવીસનું પદભ્રષ્ટ કરીને તેઓ ડેપ્યુટી સીએમ બન્યા અને એકનાથ શિંદે સીધા સીએમની ગાદી પર બેઠા. આ સમગ્ર રાજકીય ગરમાવોમાં હવે રાજ ઠાકરેની એન્ટ્રી થઈ છે.
શિવસેનાના બળવાખોર ધારાસભ્ય સદા સરવણકર બુધવારે મહારાષ્ટ્ર નવનિર્માણ સેનાના પ્રમુખ રાજ ઠાકરેને તેમના નિવાસસ્થાને મળ્યા હતા. જે બાદ અનેક સવાલો ઉઠવા લાગ્યા કે શું મહારાષ્ટ્રનું રાજકીય ડ્રામા હજુ ખતમ નથી થયા? જોકે, શિવસેનાના એકનાથ શિંદે જૂથના નેતા સરવણકરે ન્યૂઝ એજન્સી પીટીઆઈ સાથે વાત કરતા કહ્યું, ‘તેમની સર્જરી થઈ છે, તેથી હું તેમને મળ્યો હતો. અમે નજીકમાં રહીએ છીએ.
સરવણકર મધ્ય મુંબઈના ધારાસભ્ય છે જ્યાં રાજ ઠાકરે રહે છે. રાજ ઠાકરેની પાર્ટી MNS પાસે મહારાષ્ટ્ર વિધાનસભામાં માત્ર એક ધારાસભ્ય છે. MNSએ ગયા મહિને યોજાયેલી વિધાન પરિષદ અને રાજ્યસભાની ચૂંટણીમાં ભારતીય જનતા પાર્ટીને સમર્થન આપ્યું હતું. MNSએ વિશ્વાસ પ્રસ્તાવ દરમિયાન શિંદેની આગેવાની હેઠળની નવી સરકારની તરફેણમાં મતદાન કર્યું હતું. આ દરમિયાન, ઉદ્ધવ ઠાકરેની આગેવાની હેઠળની શિવસેનાએ બુધવારે સાંસદ ભાવના ગવલીની જગ્યાએ રાજન વિચારેને લોકસભામાં પક્ષના મુખ્ય દંડક તરીકે નિયુક્ત કર્યા. આ માહિતી શિવસેનાના નેતા સંજય રાઉતે આપી હતી.
આ પણ વાંચો: Covid-19/ હવે કોરોનાનો બૂસ્ટર ડોઝ 6 મહિનામાં જ લઈ શકશે, સરકારે અવધિ ઘટાડી
આ પણ વાંચો: SpiceJet/ સ્પાઈસજેટને DGCAની નોટિસ: અવાર નવાર વિમાનોમાં થતી ટેકનિકલ ખામીને મુદ્દે જવાબ માંગ્યો
આ પણ વાંચો: પંજાબ/ કોણ છે ડો.ગુરપ્રીત કૌર, જેની સાથે સીએમ ભગવંત માન કરવા જઈ રહ્યા છે લગ્ન?
