મુંબઈની સરકારી જેજે હોસ્પિટલમાં 132 વર્ષ જૂની ટનલ મળી આવી છે. એક અધિકારીએ આ જાણકારી આપી છે. અધિકારીએ જણાવ્યું કે બ્રિટિશ રાજમાં બનેલી આ 200 મીટર લાંબી ટનલના શિલાન્યાસ પર 1890ની તારીખ લખેલી છે.
અધિકારીએ પત્રકારોને જણાવ્યું કે જે ઈમારતની નીચે ટનલ મળી છે તેનો ઉપયોગ પહેલા મહિલાઓ અને બાળકોની સારવાર માટે વોર્ડ તરીકે થતો હતો.
હોસ્પિટલ પરિસરમાં આવેલી આ બિલ્ડીંગને બાદમાં નર્સિંગ કોલેજમાં ફેરવવામાં આવી હતી. “અમને પાણી લીક થવાની ફરિયાદ કર્યા પછી અમે નર્સિંગ કૉલેજ બિલ્ડિંગનું નિરીક્ષણ કર્યું.
પીડબલ્યુડીના ઇજનેરો અને સુરક્ષા રક્ષકોએ ઈમારતનું સર્વેક્ષણ કર્યું અને જાણવા મળ્યું કે શિલાન્યાસ 1890નો છે. તેમણે કહ્યું-“કેટલાક કર્મચારીઓએ અમને કહ્યું કે ત્યાં ગ્રાઉન્ડ ફ્લોર હોઈ શકે છે, ત્યારબાદ અમે વધુ સર્વેલન્સ કર્યું અને ટનલ શોધી કાઢી,”
આપને જણાવી દઈએ કે વોક દરમિયાન ડોક્ટર અરુણ રાઠોડને દિવાલમાં એક કાણું દેખાયું. આ પછી અહીં સુરંગ હોવાનું જાણવા મળ્યું હતું. ટનલનો બીજો છેડો ક્યાં જાય છે તે કોઈ જાણતું નથી. આ પહેલા પણ મુંબઈમાં અંગ્રેજોના જમાનાની સુરંગો મળી ચુકી છે. 2016 માં, મુંબઈના માલાબાર હિલમાં રાજભવન ખાતે બ્રિટિશ યુગની ટનલ મળી આવી હતી. અહીં 500 વર્ષ જૂનું બંકર પણ મળી આવ્યું હતું.
આ પણ વાંચો:વંદે ભારત ટ્રેન ઢોર સાથે અથડાયા બાદ RPFએ ગામના સરપંચોને નોટિસ આપવાનું કર્યું શરૂ
આ પણ વાંચો: મેટલ અને PSU બેન્કિંગ સ્ટોક્સમાં નીકળેલી લેવાલીએ ભારતીય શેરબજાર ગ્રીન ઝોનમાં બંધ
આ પણ વાંચો:સ્ટેચ્યુ ઓફ યુનિટી કરતાં પણ ઊંચુ વિન્ડ ટર્બાઇન એકમ સ્થાપી અદાણીએ રચ્યો ઇતિહાસ
