સરકારે જપ્ત કર્યા 608 કરોડ, છતાં કુટુંબ માટે કેટલી સંપત્તિ છોડી ગયા મુખ્તાર અંસારી

Mukhtar Ansari/ સરકારે જપ્ત કર્યા 608 કરોડ, છતાં કુટુંબ માટે કેટલી સંપત્તિ છોડી ગયા મુખ્તાર અંસારી

હાર્ટએટેકથી મૃત્યુ પામેલા ગેંગસ્ટર કમ રાજકારણી મુખ્તાર અંસારી વિશે એવું કહેવાય છે કે તેણે તેની ગુનાખોરીની દુનિયા અને રાજકીય સાંઠગાંઠથી સેંકડો કરોડની સંપત્તિ એકઠી કરી હતી. મુખ્તારની પુષ્કળ સંપત્તિનો અંદાજ એ વાત પરથી લગાવી શકાય છે કે સરકારી એજન્સીઓએ 2020થી તેની પાસેથી 608 કરોડ રૂપિયાથી વધુની ગેરકાયદેસર મિલકતો જપ્ત કરી છે અથવા તોડી પાડી છે.

લખનઉઃ હાર્ટએટેકથી મૃત્યુ પામેલા ગેંગસ્ટર કમ રાજકારણી મુખ્તાર અંસારી વિશે એવું કહેવાય છે કે તેણે તેની ગુનાખોરીની દુનિયા અને રાજકીય સાંઠગાંઠથી સેંકડો કરોડની સંપત્તિ એકઠી કરી હતી. મુખ્તારની પુષ્કળ સંપત્તિનો અંદાજ એ વાત પરથી લગાવી શકાય છે કે સરકારી એજન્સીઓએ 2020થી તેની પાસેથી 608 કરોડ રૂપિયાથી વધુની ગેરકાયદેસર મિલકતો જપ્ત કરી છે અથવા તોડી પાડી છે.

મુખ્તાર અંસારી 2017માં જેલમાંથી છેલ્લી ચૂંટણી લડ્યા હતા અને જીત્યા પણ હતા. તેઓ પાંચ વખત ધારાસભ્ય રહ્યા હતા. ચૂંટણીમાં મુખ્તાર દ્વારા દાખલ કરવામાં આવેલા સોગંદનામા મુજબ, તેમની પાસે કુલ 21.88 કરોડ રૂપિયાથી વધુની સંપત્તિ હતી. આમાંની મોટાભાગની સંપત્તિઓ, આશરે રૂ. 20 કરોડ, રિયલ એસ્ટેટમાં રોકાણ કરવામાં આવી છે.

ચૂંટણી એફિડેવિટ મુજબ, મુખ્તાર અંસારી અને તેની પત્નીની સંયુક્ત રીતે લગભગ 3.23 કરોડ રૂપિયાની ખેતીની જમીન છે. આ ઉપરાંત તેમની પાસે રૂ. 4.90 કરોડની બિનખેતીની જમીન છે. માત્ર જમીન જ નહીં, પરંતુ તેમનો પરિવાર ગાઝીપુરથી લખનૌ સુધીની ઘણી કોમર્શિયલ ઈમારતો પણ ધરાવે છે, જેની કિંમત 2017માં 12.45 કરોડ રૂપિયા હતી. તેની પાસે 1.70 કરોડ રૂપિયાની અનેક રહેણાંક ઇમારતો પણ છે. સંપત્તિ ઉપરાંત મુખ્તાર પર 6.91 કરોડ રૂપિયાની જવાબદારી હતી. મુખ્તાર અંસારીની 2015-16માં કુલ આવક 17.75 લાખ રૂપિયા હતી. આ સિવાય તેના બે આશ્રિતોની આવક 2.75 લાખ અને 3.83 લાખ રૂપિયા હતી.

અન્સારીએ 2017ની યુપી વિધાનસભા ચૂંટણીમાં દાખલ કરેલી એફિડેવિટ મુજબ, તેમના અને તેમના પરિવારના સભ્યોના ત્રણ મોટી બેંકોમાં ખાતા હતા. તેમનું એસબીઆઈમાં વ્યક્તિગત ખાતું હતું , જ્યારે તેમની પત્નીના એસબીઆઈ, સ્ટાન્ડર્ડ ચાર્ટર્ડ બેંક અને એચડીએફસી બેંકમાં ખાતા હતા. વધુમાં, તેના બાળકોના આઈસીઆઈસીઆઈ બેંક અને ઓરિએન્ટલ બેંક ઓફ કોમર્સમાં ખાતા હતા. 2017માં આ ખાતાઓમાં કુલ 10.61 લાખ રૂપિયા જમા થયા હતા. 3.45 લાખ રોકડ ઉપરાંત વીમામાં 1.90 લાખ રૂપિયાનું રોકાણ હતું. તેમના પરિવાર પાસે કુલ 72 લાખ રૂપિયાનું સોનું હતું. તેમની પાસે એનપી બોરની રિવોલ્વર, શોટગન અને રાઈફલ જેવા હથિયારો હતા જેની કુલ કિંમત રૂ. 27.50 લાખ હતી.