Ahmedabad News : વટવા GIDCથી શિવા મહાલિંગમ ગેંગના જુના સાગરીતને પોલીસે ઝડપી લીધો છે. જેમાં ઝોન-૬ LCBએ પેટ્રોલિંગ દરમિયાન આરોપીની ધરપકડ કરી હતી. પોલીસે પેટ્રોલિંંગ દરમિયાન આરોપી ઇમરાન સૈયદની હથિયાર સાથે ધરપકડ કરી હતી.
તપાસમાં આરોપી ઈમરાન પહેલા શિવ મહાલિંગમની ગેંગ સાથે સંકળાયેલો હોવાનું બહાર આવ્યું છે.પોલીસે તેની પાસેથી એક દેશી બનાવટનો તમંચો અને બે જીવતા કારતૂસ કબજે કર્યા છે.તપાસમાં આરોપી અદાવતના કારણે હથિયાર લાવ્યો હોવાની હકીકત સામે આવી છે.
આરોપીને વટવાના ઇમરાન ગામડીયા સાથે જૂની અદાવત હોવાનું તપાસમાં ખુલ્યું છે. આમ પોલીસે આરોપી ઇમરાન સૈયદને હથિયાર સાથે ઝડપી વધુ તપાસ હાથ ધરી છે.
