- અમદાવાદઃ રિલીફ રોડ પર આવેલી હોટલમાં આગ
- જૂની અને જાણીતી એવી ઝેડ.કે હોટેલમાં આગ
- આગના ધુમાડા દૂરદૂરથી દેખાયા
- લોકોની ભીડ ભેગી થતાં રોડ પર ટ્રાફિક જામ
અમદાવાદના રિલીફ રોડ ઉપર આવેલી ZK નામની હોટેલમાં આગ લાગવાની ઘટના બની છે. મળતી માહિતી અનુસાર આગ લાગતા તરત જ ફાયર બ્રિગેડની ટીમને જન કરવામાં આવી હતી. થોડા જ સમયમાં ૩ ગાડી ઘટનાસ્થળે પહોચી અને તમામ પ્રયાસો હાથ ધર્યા હતા.
હોટલમાં આગ લાગતા જ લોકોમાં દોડધામ મચી ગઈ હતી,ચારે તરફ ભીડ જોવા મળી રહી હતી. હોટલમાં રહેલા દરેક વ્યક્તિને તેમાંથી બહાર નીકાળવામાં આવ્યા હતા અને કોઈ જાનહાની થઇ નથી. આ હોટલ સૌથી જૂની અને જાણીતી છે. હોટલમાં લાગેલી આગના ધુમાડા દુરદુર સુધી દેખાઈ રહ્યા હતા. લોકોની ભીડ થઇ જતા ટ્રાફિકજામની સમસ્યા પણ જોવા મળી. ત્યારબાદ ઘટનાની જાણ થતા જ પોલીસ ઘટનાસ્થળે દોડી આવી હતી અને તમામ ટ્રાફિક ની સમસ્યાને કંટ્રોલ કરી હતી એટલું જ નહિ રીલીફ સિનેમાથી લઈને વીજળી ઘર સુધીનો તમામ રોડ બંધ કરવામાં આવ્યો હતો.
અચાનક જ સાંજે છ વાગ્યાની આસપાસ આ દુર્ઘટના સર્જાઈ હતી, આગ કેવી રીતે લાગી શું થયું તેને લઈને કોઈ પણ જાણકારી હજુ સામે આવી નથી. આગન લાગતાની સાથે જ લોકોની ભીડ જામી ગઈ હતી અને પોલીસ તથા ફાયરની ટીમે ઘટના સ્થળે પહોચી ને પરીસ્થીતી પર કાબુ મેળવ્યો હતો.