સાબરકાંઠામાં દીપડાનો આતંક વધી રહ્યો છે. વડાલીમાં પિતા અને પુત્ર બાઈક પર ઘરે જતા હતા ત્યારે દિપડાએ હુમલો કર્યો. દિપડાના હુમલાની ઘટના વડાલી તાલુકાના ભંડવાલ પાસે બનવા પામી. મોડી સાંજે પિતા-પુત્ર દવા લઈ ઘરે પરત ફરી રહ્યા હતા ત્યારે પાછળ બેસેલ બાળક પર દિપડાએ હુમલો કર્યો. આ હુમલાની વનવિભાગને જાણ કરતા ઘટનાસ્થળે પંહોચી તપાસ હાથ ધરવામાં આવી.
સાબરકાંઠામાં વડાલીના ભંડવાલથી પહડિયા રોડ પર આ ઘટના બનવા પામી. આ બનાવની વિગત મુજબ પહડીયા ગામના રહેવાસી ધુળાભાઈ ઠાકરડા અને તેમનો પુત્ર ગઈકાલે રાતે ભંડવાલ ગામે બાઈક પર દવા લેવા ગયા હતા. ત્યારે દવા લઈને સાંજે 7.30 વાગ્યાની આસપાસ ઘરે પરત ફરતા હતા ત્યારે તેમનો 12 વર્ષનો પુત્ર પાછળ બેઠો હતો. અને અચાનક દિપડાએ પુત્રના ડાબા પગના ઘૂંટણ પર બચકુ ભરવાનો પ્રયાસ કર્યો. પરંતુ ધુળાભાઈએ બાઈક મારી મૂકતા વધુ ઇજા પામતા બચ્યા.
ધુળાભાઈ અને તેમનો પુત્ર ઘરે આવ્યા બાદ નજીકમાં રહેતા રહેમાનભાઈને સમગ્ર ઘટના કહી. ત્યારે રહેમાનભાઈએ ગામના સરપંચને બનાવની જાણ કરવાનું કહ્યું. તેના બાદ સરપંચે વનવિભાગને જાણ કરતા ટીમ ઘટનાસ્થળે પંહોચી સમગ્ર બાબતની તપાસ હાથ ધરી. વનવિભાગની ટીમે બાળકને જે શરીરના જે ભાગ પર દિપડાનો નખ વાગ્યો હતો તેના ફોટા પાડ્યા અને પ્રાથમિક સારવાર આપી. વનવિભાગની ટીમને તપાસ દરમ્યાન દિપડાના નિશાન જોવા મળ્યા. અને રોડની બંને બાજુ નર-માદા અને બે બચ્ચાં રહેતા હોવાનું પણ જાણવા મળ્યું.
આ પણ વાંચો : Proposal Approved/ અધિકારીઓની જેમ મહિલા સૈનિકોને પણ પ્રસૂતિ અને બાળ સંભાળ માટે રજા મળશે
આ પણ વાંચો : Us Presidential Election/ જાણો શા માટે અમેરિકી રાષ્ટ્રપતિની ચૂંટણીમાં ભારતની ચર્ચા થઈ રહી છે
આ પણ વાંચો : ગાંજાનો જથ્થો ઝડપાયો/ પંચમહાલના ઘોઘંબામાં SOGએ ગાંજાનું વાવેતર ઝડપી પાડ્યું
