ઈરાન બાદ હવે પાકિસ્તાનની ધરતી ભૂકંપના આંચકાથી હચમચી ગઈ છે. પાકિસ્તાનના ઈસ્લામાબાદમાં ભૂકંપના આંચકા અનુભવાયા હતા. પાકિસ્તાનમાં ભૂકંપની તીવ્રતા રિક્ટર સ્કેલ પર 4.1 માપવામાં આવી છે. ઈસ્લામાબાદમાં રવિવારે બપોરે 1:24 કલાકે ભૂકંપ આવ્યો હતો. ભૂકંપનું કેન્દ્ર તાજિકિસ્તાનમાં જણાવવામાં આવી રહ્યું છે. અત્યાર સુધી ભૂકંપના કારણે જાનમાલના નુકસાનના કોઈ સમાચાર નથી.
નેશનલ સેન્ટર ફોર સિસ્મોલોજી અનુસાર, આજે બપોરે લગભગ 1:24 વાગ્યે ઇસ્લામાબાદમાં રિક્ટર સ્કેલ પર 4.1ની તીવ્રતાનો ભૂકંપ આવ્યો હતો. ભૂકંપનું કેન્દ્ર ઇસ્લામાબાદથી 37 કિમી પશ્ચિમમાં હતું અને તેની ઊંડાઈ જમીનથી 10 કિમી નીચે હતી. આ સાથે પાકિસ્તાનના રાવલપિંડી, મુર્રી, ખૈબર પખ્તુનખ્વા અને પંજાબમાં પણ ભૂકંપના આંચકા અનુભવાયા હતા.
અગાઉ પાકિસ્તાનમાં આવ્યો હતો ભૂકંપ
આ પહેલા 5 જાન્યુઆરીએ ઈસ્લામાબાદ અને લાહોર સહિત પંજાબ અને ખૈબર પખ્તુનખ્વાના અનેક શહેરોમાં 5.8ની તીવ્રતાનો ધરતીકંપ આવ્યો હતો. તે ભૂકંપનું કેન્દ્ર અફઘાનિસ્તાન હિંદુ કુશ ક્ષેત્ર હતું, જ્યારે તેની ઊંડાઈ 173 કિમી હતી. સ્વાત, ડેરા ઈસ્માઈલ ખાન સહિત અનેક વિસ્તારોમાં ભૂકંપના આંચકા અનુભવાયા હતા.
ઈરાનમાં શનિવારે રાત્રે આવ્યો ભૂકંપ
આ પહેલા ઈરાનમાં શનિવારે રાત્રે જબરદસ્ત ધરતીકંપ આવ્યો હતો. ઉત્તર-પશ્ચિમ ઈરાનના ખોય શહેરમાં 5.9ની તીવ્રતાના ભૂકંપમાં અત્યાર સુધીમાં 7 લોકોના મોતના અહેવાલ છે, જ્યારે 440 લોકો ઘાયલ હોવાનું કહેવાય છે. ઉત્તર-પશ્ચિમ ઈરાનના પશ્ચિમ અઝરબૈજાન પ્રાંતના ખોય શહેરમાં ધરતીકંપ આવ્યો હતો. આ વિસ્તાર તુર્કી-ઈરાન સરહદની નજીક ઉત્તર પશ્ચિમ ઈરાનમાં આવે છે. સ્થાનિક સમય મુજબ શનિવારે રાત્રે 9:44 કલાકે ભૂકંપ આવ્યો હતો. ઈરાની સિસ્મોલોજીકલ સેન્ટરે જણાવ્યું કે ભૂકંપનું કેન્દ્ર જમીનથી 7 કિલોમીટરની ઊંડાઈએ હતું.
આ પણ વાંચો:ઓડિશાના સ્વાસ્થ્ય મંત્રી પર ઘાતક હુમલો, પોલીસ અધિકારીએ તેમને છાતીમાં મારી ગોળી: સ્થિતિ ગંભીર
આ પણ વાંચો:જુનિયર ક્લાર્ક પેપર લીક અંગે સરકાર એક્શનમાં, સરકાર લાવી શકે છે કાયદો
આ પણ વાંચો:આ પેપર નહિ પણ ભાજપની સરકારે યુવાનોના ભવિષ્ય ફોડવાનું ફરી એક વાર પાપ કર્યું : અમિત ચાવડા
આ પણ વાંચો:વર્ષના પ્રથમ ‘મન કી બાત’માં PM મોદીએ કહ્યું- આપણે સ્વભાવે લોકશાહી સમાજ છીએ
