નરોડા વચ્ચે AMTS બસ સેવા શરૂ કરવા મુસાફરો વર્ષોથી માગ કરી રહ્યા હતા. હવે આગામી દિવસોમાં દહેગામ અને અમદાવાદ વચ્ચે AMTS બસ સેવા શરૂ થવા જઈ રહી હોવાથી શહેરવાસીઓની આતુરતાનો અંત આવશે. સ્થાનિક લોકોના સૂચન પર દહેગામના ધારાસભ્ય બલરાજસિંહ ચૌહાણ દ્વારા દહેગામ અને અમદાવાદ વચ્ચે AMTS સેવા ટૂંક સમયમાં શરૂ થવા જઈ રહી છે.
AMTS અધિકારી ભરતભાઈ પટેલ તેમની ટીમ સાથે આજે સર્વે માટે દહેગામ પહોંચ્યા હતા. દહેગામ નગરપાલિકાના પ્રમુખ વૈશાલીબેન સોલંકી, શહેર ભાજપ પ્રમુખ યોગેન્દ્ર શર્મા, પક્ષી રેલ્વેના ZRUCC સભ્ય કિંજન પટેલ તેમજ સ્થાનિક વેપારી અગ્રણીઓ ઉપસ્થિત રહ્યા હતા. આ અંગેની પ્રાથમિક વિગતો મુજબ AMTS દર એક કલાકે દોડાવવાનું આયોજન છે, જેમાં મુસાફરોની માંગણી મુજબ ભવિષ્યમાં ફેરફાર કરવામાં આવશે.
આ અંગે પ્રાપ્ત માહિતી અનુસાર દહેગામ અને અમદાવાદ વચ્ચે દરરોજ હજારો નોકરિયાતો અને વેપારીઓની અવરજવર રહે છે. વધુમાં, શાળા, કોલેજ અને અન્ય હેતુઓ માટે મોટી સંખ્યામાં મુસાફરો બે શહેરો વચ્ચે મુસાફરી કરે છે. બીજું, દહેગામ વિસ્તાર અમદાવાદ ઔડામાં હોવા છતાં AMTS સેવાથી વંચિત હતો.
આ માટે દહેગામના ઉપરોક્ત વ્યક્તિઓ અને નાગરિકો વતી ધારાસભ્ય બલરાજસિંહ ચૌહાણને આવેદનપત્ર આપવામાં આવ્યું હતું. જે સરકાર અને અમદાવાદ નગરપાલિકાને સોંપવામાં આવ્યું હતું. જેના કારણે હવે દહેગામ-અમદાવાદ વચ્ચે AMTS બસ શરૂ કરવાની માંગણી પૂર્ણ થવા જઈ રહી છે. ટૂંક સમયમાં શરૂ થનારી આ AMTS સેવાના સર્વે માટે ટીમ આજે દહેગામ પહોંચી હતી
જાણો ક્યાં અપાશે સ્ટોપ
બાયડ ત્રણ રસ્તા, પાલૈયા ગામ, આરાધના સોસાયટી, એસ. ટી. ડેપો, GEB વડ, નહેરુ ચોકડી, દહેગામ GIDC, દહેગામ કોલેજ, શ્રીનાથ બંગ્લોઝ, શિવનગર ફાર્મ, જીયાપર ફાર્મ, ગલુદણ, સોનારડા, રામપુરા, રાયપુર, પરઢોલ, એણાસણ,બિલાસિયા, હંસપુરા રીંગ રોડ, નરોડા બસ ટર્મિનલ સુધી સ્ટોપ આપવામાં આવશે.
આ પણ વાંચો :અમદાવાદ ક્રાઈમબ્રાન્ચમાં તબીબ મહિલાના મોતથી ખળભળાટ, મૃતક મહિલા અને P.I. વચ્ચે પ્રેમ સંબંધ
આ પણ વાંચો :પાલનપુર – દાંતા હાઇવે ઉપર અકસ્માત સર્જાતા બે સગા ભાઈઓનાં મોત
આ પણ વાંચો :દસાડા તાલુકાના નાના રણમાં મીઠાના ખારા પાણીના ભાવને લઈ આંદોલન
