ઈન્ડિયન આર્મીનો એક સ્નિફર ડોગ ‘એક્સેલ’ એન્કાઉન્ટર દરમિયાન ગોળી વાગવાને કારણે મૃત્યુ પામ્યો હતો. જમ્મુ-કાશ્મીરના બારામુલ્લામાં રવિવારના એન્કાઉન્ટર દરમિયાન એક્સેલને 29 આરઆર સાથે તૈનાત કરવામાં આવ્યો હતો. પોસ્ટમોર્ટમ રિપોર્ટમાં તેના શરીર પર 10 વધુ ઘાના નિશાન હોવાનું સામે આવ્યું છે. તેના ફેમરમાં પણ ફ્રેક્ચર જોવા મળ્યું હતું. સોમવારે કિલો ફોર્સ કમાન્ડર દ્વારા પુષ્પાંજલિ અર્પણ સમારોહનું આયોજન કરવામાં આવશે.
સેનાના અધિકારીઓએ જણાવ્યું કે બિલ્ડિંગ ક્લિયરન્સ ઓપરેશન દરમિયાન ‘બાલાજી’ નામના કૂતરાને હસ્તક્ષેપ માટે મોકલવામાં આવ્યો હતો. આ દરમિયાન ‘એક્સેલ’ પણ તૈનાત હતો. ‘એક્સેલ’ પહેલા રૂમમાં પ્રવેશ્યો, જેને ક્લીયર કરવામાં આવ્યો. આ પછી તે બીજા રૂમમાં પ્રવેશતાની સાથે જ ફાયરિંગ શરૂ કરી દીધું હતું. ગોળી માર્યા બાદ પણ ‘એક્સેલ’ એ 15 સેકન્ડ સુધી થોડી હિલચાલ બતાવી અને પછી તે નીચે પડી ગયો. આ રીતે ‘એક્સેલ’એ પોતાનો જીવનું બલિદાન આપી અનેક સુરક્ષા દળોના જીવ બચાવ્યા.
બારામુલ્લામાં સુરક્ષા દળો સાથેની અથડામણમાં લશ્કર-એ-તૈયબાનો એક આતંકવાદી માર્યો ગયો. પોલીસે જણાવ્યું કે આતંકીની ઓળખ ઈર્શાદ અહેમદ તરીકે થઈ છે, જે બારામુલ્લાના પટ્ટનનો રહેવાસી છે. એક પોલીસ અધિકારીએ જણાવ્યું કે, જિલ્લાના બિન્નર વિસ્તારમાં આતંકવાદીઓની હાજરીની માહિતીના આધારે, વિસ્તારને કોર્ડન કરી લેવામાં આવ્યો હતો અને શનિવારે સાંજે સર્ચ ઓપરેશન શરૂ કરવામાં આવ્યું હતું.
કાશ્મીર પ્રદેશની પોલીસે ટ્વિટ કરીને કહ્યું કે, માર્યા ગયેલા આતંકવાદીની ઓળખ બારામુલ્લાના પટ્ટનનો રહેવાસી ઈર્શાદ અહેમદ ભટ તરીકે થઈ છે. તે મે 2022 થી સક્રિય હતો અને પ્રતિબંધિત આતંકવાદી સંગઠન લશ્કર-એ-તૈયબા સાથે તેના સંબંધો હતા. તેની પાસેથી એક એકે રાઈફલ, બે મેગેઝીન અને 30 રાઉન્ડ ગોળીઓ મળી આવી હતી.
આ પણ વાંચો:દુલ્હન બનતા પહેલા જાણી લો આ ખાસ વાતો, લગ્ન જીવનમાં આવશે કામ
આ પણ વાંચો:રાખી સાવંત બની ડોક્ટર, MBAની ડિગ્રી જોઈને યુઝર્સે કહ્યું- દર્દી પહેલા જ મરી જશે
આ પણ વાંચો:ફિલ્મી દુનિયામાંથી આવ્યા વધુ એક ખરાબ સમાચાર, અભિનેતા સરથ ચંદ્રનનું થયું નિધન
