બેંગ્લુરુઃ IPLની 17મી સીઝનમાં અત્યાર સુધી કોઈ એક ટીમનું સૌથી ખરાબ પ્રદર્શન જોવા મળ્યું છે અને તે ફાફ ડુ પ્લેસિસની કપ્તાનીમાં રમી રહેલી રોયલ ચેલેન્જર્સ બેંગ્લોરની ટીમ છે. આરસીબીને આ સિઝનમાં અત્યાર સુધી રમાયેલી 7માંથી 6 મેચમાં હારનો સામનો કરવો પડ્યો છે. ટીમને હવે સીઝનની મધ્યમાં વધુ એક મોટો ફટકો પડ્યો છે, જેમાં ગ્લેન મેક્સવેલે તેની શારીરિક અને માનસિક સ્થિતિને ધ્યાનમાં રાખીને અનિશ્ચિત સમય માટે બ્રેક લેવાનો નિર્ણય કર્યો છે. સનરાઈઝર્સ હૈદરાબાદ સામેની મેચ પહેલા મેક્સવેલે ટીમના કેપ્ટન ફાફ અને મેનેજમેન્ટને તેના નિર્ણયની જાણ કરી હતી, જેના કારણે તે આ મેચમાં પ્લેઈંગ 11નો ભાગ નહોતો. અગાઉ, તેની ગેરહાજરી તેના સંપૂર્ણ ફિટ ન હોવાને કારણે હોવાનું માનવામાં આવતું હતું કારણ કે RCBની છેલ્લી મેચમાં મેક્સવેલને તેના અંગૂઠામાં ઈજા થઈ હતી.
ટીમના પ્રદર્શનને જોતા મારા માટે નિર્ણય લેવો સરળ હતો
ગ્લેન મેક્સવેલે પ્રેસ કોન્ફરન્સમાં આઈપીએલ 2024 સીઝન વચ્ચે બ્રેક લેવાની માહિતી આપી હતી જેમાં તેણે કહ્યું હતું કે ટીમના પ્રદર્શનને જોતા મારા માટે આ નિર્ણય લેવો ખૂબ જ સરળ હતો. અમારી ટીમ આ સિઝનમાં અત્યાર સુધી દરેકની અપેક્ષા મુજબ રમી શકી નથી, જેનો પુરાવો પરિણામો પણ આપે છે. મારું અંગત પ્રદર્શન પણ સારું રહ્યું નથી. છેલ્લી કેટલીક સિઝનમાં, અમે પાવરપ્લે સમાપ્ત થયા પછી મધ્ય ઓવરોમાં વધુ સારું પ્રદર્શન કરતા હતા, પરંતુ આ વખતે અમે તેમ કરી શક્યા નહીં. મને ખુદને અહેસાસ થયો કે હું ટીમ માટે સકારાત્મક રીતે રમી શકતો નથી, તેથી આવી સ્થિતિમાં મારા કરતાં વધુ સારું પ્રદર્શન કરી શકે તેવા અન્ય કોઈ ખેલાડીને તક આપવી યોગ્ય રહેશે.
મેક્સવેલે પોતાના પુનરાગમન અંગે આ વાત કહી
પોતાના પુનરાગમન અંગે મેક્સવેલે પોતાના નિવેદનમાં એમ પણ કહ્યું હતું કે જ્યારે તે માનસિક અને શારીરિક રીતે સંપૂર્ણ રીતે ફિટ થઈ જશે ત્યારે તે ફરીથી પસંદગી માટે ઉપલબ્ધ થશે. અમે સાથે મળીને સતત મહેનત કરીએ છીએ. આ ટૂર્નામેન્ટ પહેલાના છ મહિના મારી ક્રિકેટ કારકિર્દીના શ્રેષ્ઠ મહિનાઓમાંના એક હતા. તેથી હું ખૂબ નિરાશ છું કે વસ્તુઓ એટલી ખરાબ થઈ ગઈ છે. જો મને મારું શરીર અને મન ફરી સારું થશે, તો હું ફરીથી પસંદગી માટે ઉપલબ્ધ થઈશ. તમને જણાવી દઈએ કે મેક્સવેલે બ્રેક લેવાનો નિર્ણય કર્યો છે પરંતુ તે આ સમયગાળા દરમિયાન આરસીબી ટીમ સાથે રહેશે.
આ પણ વાંચો: ચેન્નાઈ સુપર કિંગ્સે મુંબઈ ઈન્ડિયન્સને 20 રનથી હરાવ્યું
આ પણ વાંચો: આઇપીએલમાં કાર્તિકે માર્ટો સીઝનનો સૌથી લાંબો છગ્ગો ફટકાર્યો
આ પણ વાંચો: ક્રિકેટના ઈતિહાસની સૌથી ખરાબ ધોલાઈ! 4 બોલરોએ 235 રન આપ્યા
આ પણ વાંચો: સનરાઇઝર્સ હૈદરાબાદે રોયલ ચેલેન્જર્સ બેંગ્લોરને 25 રને હરાવ્યું
