ભારતીય જનતા પાર્ટીએ Congress Files નો પહેલો એપિસોડ રિલીઝ કર્યો છે. કોંગ્રેસ પાર્ટીના શાસનમાં 48,20,69,00,00,000 રૂપિયાનો ભ્રષ્ટાચાર થયો હોવાનો દાવો કરવામાં આવ્યો છે. ભાજપે કોંગ્રેસ પાર્ટીના કૌભાંડો પર આધારિત કોંગ્રેસ ફાઇલ્સનો પ્રથમ એપિસોડ બહાર પાડ્યો છે અને તેને સત્તાવાર એકાઉન્ટથી ટ્વિટ કર્યો છે.
ભાજપે Congress Files નો વીડિયો સંદેશ જાહેર કર્યો
ભારતીય જનતા પાર્ટીએ એક વીડિયો સંદેશ ટ્વીટ કર્યો છે જેનું શીર્ષક છે- કોંગ્રેસ મતલબ ભ્રષ્ટાચાર. આ વીડિયોમાં કોંગ્રેસ પાર્ટીના 70 વર્ષના શાસનમાં 48,20,69,00,00,000 રૂપિયાનો ભ્રષ્ટાચાર થયો હોવાનો દાવો કરવામાં આવ્યો છે. ટ્વીટમાં એવો પણ દાવો કરવામાં આવ્યો છે કે આ પૈસા વિકાસ અને સુરક્ષા પાછળ ખર્ચવાના હતા પરંતુ કોંગ્રેસ પાર્ટીએ પૈસાનો દુરુપયોગ કર્યો. ભાજપે કહ્યું કે આટલા પૈસાથી 24 INS વિક્રાંત, 300 રાફેલ જેટ અને 1000 મંગળ મિશન પૂર્ણ કરી શકાશે. પરંતુ કોંગ્રેસના કારણે દેશને આ બધું સહન કરવું પડ્યું.
2004-14 કોંગ્રેસનો છેલ્લો દાયકા
ભાજપે એમ પણ કહ્યું કે 2004થી 2014 સુધીનો સમયગાળો કોંગ્રેસનો છેલ્લો દાયકા હતો, હવે તેમને તક નહીં મળે. ભાજપે વીડિયો સંદેશમાં એમ પણ કહ્યું કે તમે 70 વર્ષના ભ્રષ્ટાચારને બાજુ પર રાખો અને 2004થી 2014ના દાયકાને અલગ કરો. મનમોહન સિંહના કાર્યકાળમાં સૌથી મોટા કૌભાંડો થયા હતા. આ સમયગાળા દરમિયાન સમાચાર પત્રો માત્ર કૌભાંડના સમાચારોથી ભરેલા છે. દરરોજ એક નવો ભ્રષ્ટાચાર સામે આવ્યો.
ભાજપે કૌભાંડોની યાદ અપાવી
ભાજપના વિડિયો સંદેશમાં રૂ. 1.86 લાખ કરોડનું કોલસા કૌભાંડ, રૂ. 1.76 લાખ કરોડનું 2જી સ્પેક્ટ્રમ કૌભાંડ, રૂ. 10 લાખ કરોડનું મનરેગા કૌભાંડ અને રૂ. 70 હજાર કરોડનું કોમનવેલ્થ કૌભાંડ સામે આવ્યું હતું. એટલું જ નહીં હેલિકોપ્ટર ડીલમાં 362 કરોડ રૂપિયાનું કમિશન, રેલવે બોર્ડના ચેરમેન પાસેથી 12 કરોડ રૂપિયાની લાંચ જેવા મામલા પણ સામે આવ્યા હતા. ભાજપે કહ્યું કે આ માત્ર એક ઝાંખી છે અને સંપૂર્ણ તસવીર હજુ સુધી જાહેર કરવામાં આવી નથી.
આ પણ વાંચો:વડોદરામાં વધુ એક રામનવમીની શોભાયાત્રામાં પથ્થરમારો, વાહનોમાં પણ તોડફોડ
આ પણ વાંચો:કોર્પોરેટરનું કારસ્તાન,કામગીરીને બદલે દેખાડ્યો રુવાબ
આ પણ વાંચો:રવિન્દ્ર જાડેજાની પત્ની રિવાબા જાડેજાએ અજમાવ્યો બેટિંગ પર હાથ, જુઓ ખાસ ફોટો
આ પણ વાંચો: ઈન્દોરના મંદિર અકસ્માતમાં અત્યાર સુધીમાં 35 લોકોના મોત, 40 ફૂટ ઊંડા પગથિયાંમાંથી રાતભર નીકળ્યા મૃતદેહો
