12 થી 14 વર્ષના બાળકોને અપાશે કોરોના રસી, સિનિયર સિટિઝન લઇ શકશે પ્રિકોશન ડોઝ

કોરોના રસીકરણ/ 12 થી 14 વર્ષના બાળકોને અપાશે કોરોના રસી, સિનિયર સિટિઝન લઇ શકશે પ્રિકોશન ડોઝ

16 માર્ચથી બાળકોનું રસીકરણ શરૂ થશે. આ સાથે, 60 વર્ષથી વધુ ઉંમરના તમામ લોકો હવે કોરોના રસીનો પ્રિકોશન ડોઝ મેળવી શકશે. સોમવારે કેન્દ્રીય સ્વાસ્થ્ય મંત્રી મનસુખ માંડવિયાએ ટ્વીટ કરીને આની જાહેરાત કરી હતી.

16 માર્ચથી બાળકોનું શરૂ થશે રસીકરણ
12 થી 14 વર્ષના બાળકોને અપાશે રસી
16 માર્ચથી શરૂ કરાશે બાળકોને રસીકરણ
સિનિયર સિટિઝન લઇ શકશે પ્રિકોશન ડોઝ
મનસુખ માંડવીયાએ ટ્વીટ કરીને આપી માહિતી

કેન્દ્ર સરકારે 12 થી 14 વર્ષની વયના બાળકોને પણ કોરોના રસી આપવાનો નિર્ણય લીધો છે. 16 માર્ચથી બાળકોનું રસીકરણ શરૂ થશે. આ સાથે, 60 વર્ષથી વધુ ઉંમરના તમામ લોકો હવે કોરોના રસીનો પ્રિકોશન ડોઝ મેળવી શકશે. સોમવારે કેન્દ્રીય સ્વાસ્થ્ય મંત્રી મનસુખ માંડવિયાએ ટ્વીટ કરીને આની જાહેરાત કરી હતી. તેમણે બાળકોના પરિવારજનો અને 60 વર્ષથી વધુ ઉંમરના લોકોને રસી અપાવવા વિનંતી કરી હતી.

बच्चे सुरक्षित तो देश सुरक्षित!

मुझे बताते हुए खुशी है की 16 मार्च से 12 से 13 व 13 से 14 आयुवर्ग के बच्चों का कोविड टीकाकरण शुरू हो रहा है।

साथ ही 60+ आयु के सभी लोग अब प्रिकॉशन डोज लगवा पाएँगे।

मेरा बच्चों के परिजनों व 60+ आयुवर्ग के लोगों से आग्रह है की वैक्सीन जरूर लगवाएँ।
— Dr Mansukh Mandaviya (मोदी का परिवार) (@mansukhmandviya) March 14, 2022

આપને જણાવી દઈએ કે 3 જાન્યુઆરી, 2022થી સરકારે 15 થી 17 વર્ષની વયના કિશોરોનું રસીકરણ શરૂ કર્યું હતું. દેશમાં આ વય જૂથના લગભગ 7.5 કરોડ બાળકો છે. ડ્રગ કંટ્રોલર જનરલ ઓફ ઈન્ડિયા (DCGI) ને ભારતમાં 12 થી 18 વર્ષની વયના બાળકોને કોરોના રસી આપવા માટે પહેલેથી જ મંજૂરી મળી ગઈ છે. ભારત બાયોટેકના કોવેક્સિનને પણ આ વય જૂથ માટે મંજૂરી મળી ગઈ છે.

રસીકરણનો આંકડો 180 કરોડને પાર

ભારતમાં કોરોના રસીકરણની સંખ્યા 180.19 કરોડને વટાવી ગઈ છે. ભારતમાં છેલ્લા 24 કલાકમાં માત્ર 2,503 નવા કેસ નોંધાયા છે, જે અત્યાર સુધીના 680 દિવસમાં સૌથી ઓછા છે. ભારતમાં સક્રિય કેસ લોડ 36,168 છે, જે 675 દિવસમાં સૌથી ઓછો છે. સક્રિય કેસ હવે દેશમાં કુલ પોઝિટિવ કેસોમાં 0.08% છે.

દેશમાં રિકવરી દર અને પરીક્ષણ

ભારતનો રિકવરી રેટ 98.72% છે. છેલ્લા 24 કલાકમાં, 4,377 દર્દીઓ સાજા થયા છે અને સાજા થયેલા દર્દીઓની કુલ સંખ્યા (મહામારી શરૂ થઈ ત્યારથી) હવે 4,24,41,449 છે. છેલ્લા 24 કલાકમાં કુલ 5,32,232 કોવિડ-19 ટેસ્ટ કરવામાં આવ્યા છે. ભારતે અત્યાર સુધીમાં કુલ 77.90 કરોડ (77,90,52,383) પરીક્ષણો કર્યા છે. સાપ્તાહિક અને દૈનિક પોઝિટિવ દરમાં પણ સતત ઘટાડો જોવા મળ્યો છે. દેશમાં સાપ્તાહિક પોઝિટિવ દર હાલમાં 0.47% છે અને દૈનિક પોઝિટિવ દર 0.47% હોવાના અહેવાલ છે.

આ પણ વાંચો : 18 વર્ષ સુધીના બાળકોને મફત શિક્ષણ આપવાની તૈયારી, ધર્મેન્દ્ર પ્રધાને કહ્યું, રાજ્યો સાથે વાત કરવી પડશે

આ પણ વાંચો :મહારાષ્ટ્ર મેટ્રોમાં ખાલી જગ્યા, અરજી કરો અને દર મહિને બે લાખ સુધીની કમાણી કરવાની તક મેળવો

આ પણ વાંચો :કોરોનાથી મૃત્યુ પર વળતરના ખોટા દાવા પર સુપ્રીમ કોર્ટે વ્યક્ત કરી ચિંતા, કહ્યું, કલ્પના પણ નહોતી કરી

આ પણ વાંચો :શિવસેના-ભાજપ વચ્ચેની ખેંચતાણ વધી, સંજય રાઉતે હવે પીએમ મોદી પર કટાક્ષ કરતાં કહી આ મોટી વાત