- પંજાબના પૂર્વ CM અમરિંદર સિંહને થયો કોરોના
- અમરિંદર સિંહે ટ્વિટ કરીને આપી જાણકારી
- હળવા લક્ષણ સાથે ઘરે જ લઇ રહ્યા છે સારવાર
- સંપર્કમાં આવેલા લોકોને ટેસ્ટ કરાવવા અપીલ
વિશ્વની સાથે સાથે દેશભરમાં કોરોના કેર વર્તાઇ રહ્યો છે. આ વાયરલ સામાન્ય માણસથી લઈને મોટી મોટી હસ્તીઓને પોતાની ઝપેટમાં લઈ રહ્યો છે ત્યારે આવામાં પંજાબના પૂર્વ CM અમરિંદર સિંહને કોરોના થયો હોવાનું સામે આવ્યું છે. તેમણે પોતે ટ્વીટ કરીને આ જાણકારી આપી છે. કેપ્ટને ટ્વીટ કર્યું કે હું હળવા લક્ષણો સાથે કોરોના પોઝિટિવ આવ્યો છું. મેં મારી જાતને અલગ કરી દીધી છે અને મારા સંપર્કમાં આવેલા તમામ લોકોને વિનંતી કરવામાં આવે છે કે તેઓ પોતાનો કોરોના ટેસ્ટ કરાવે.
આ પણ વાંચો :1 ફેબ્રુઆરી 2022ના રોજ રજૂ થશે કેન્દ્રીય બજેટ, જાણો સૌથી વધુ વખત કોણે રજૂ કર્યું છે બજેટ
આપને જાણવી દઈએ કે, બુધવારે સ્વાસ્થ્ય મંત્રાલયે દેશમાં કોરોનાના તાજેતરના આંકડા જાહેર કર્યા હતા. ભારતમાં છેલ્લા 24 કલાકમાં 1,94,720 નવા કેસ સામે આવ્યા છે. તે જ સમયે, 60,405 લોકો સ્વસ્થ થઈને તેમના ઘરે ગયા છે. આ દરમિયાન આ વાયરસને કારણે 442 લોકોના મોત થયા છે.
તાજેતરના અહેવાલ મુજબ, દેશમાં સક્રિય કેસોની સંખ્યા 9,55,319 પર પહોંચી ગઈ છે. તે જ સમયે, સકારાત્મકતા દર વધીને 11.05 ટકા થઈ ગયો છે. બીજી તરફ, ઓમિક્રોન કેસની વાત કરીએ તો, આ નવા વેરિઅન્ટના અત્યાર સુધીમાં 4,868 કેસ નોંધાયા છે. લક્ષદ્વીપમાંથી રસીકરણને લઈને મોટા સમાચાર સામે આવ્યા છે. લક્ષદ્વીપે 15-18 વર્ષના તમામ બાળકોને રસીના ડોઝ આપવામાં સફળતા મેળવી છે. આ પછી તે પહેલો કેન્દ્રશાસિત પ્રદેશ છે. અહીં 15-18 વર્ષના બાળકોને રસી આપવામાં સફળતા મળી છે.
આ પણ વાંચો :સાસરીયા તરફથી ઘરનાં બાંધકામ માટે પૈસાની માંગણી દહેજ કહેવાશેઃ SC
આ પણ વાંચો :PM મોદી સુરક્ષા ચૂક મામલે સુપ્રીમ કોર્ટે 4 સભ્યોની સમિતિ બનાવી
આ પણ વાંચો :દેશના આ મતદારો મત આપવા હેલિકોપ્ટરમાં જશે! જાણો વિગત
