સ્વીડિશ પર્યાવરણીય કાર્યકર ગ્રેટા થનબર્ગના ભારત વિરોધી ટૂલકિટ કેસમાં આરોપી નિકિતા જેકબને કૃષિ કાયદાના વિરોધમાં દેશમાં ચાલી રહેલા ખેડૂત આંદોલનને સમર્થન આપવા માટે બોમ્બે હાઈકોર્ટથી રાહત મળી છે. મુંબઈ હાઈકોર્ટે નિકિતાની ધરપકડ પર બુધવારે ત્રણ દિવસ માટે સ્ટે આપ્યો છે.
દિલ્હી પોલીસ ટૂલકીટ કેસમાં નિકિતા જેકબની પણ શોધ કરી રહી હતી. મુંબઈની રહેવાસી નિકિતા મહારાષ્ટ્ર અને ગોવા સ્ટેટ બાર કાઉન્સિલમાં નોંધાયેલ છે. તે સોશિયલ જસ્ટિસ અને ક્લાઇમેટ એક્ટિવિસ્ટ છે. સોશિયલ મીડિયા પ્રોફાઇલ મુજબ, તે બોમ્બે હાઈકોર્ટમાં એડવોકેટ છે. દિલ્હી પોલીસે આરોપ લગાવ્યો છે કે નિકિતાએ દિશા અને શાંતનુ સાથે મળીને ટૂલકીટ બનાવી અને સંપાદિત કરી હતી. આ ઉપરાંત નિકિતા, ઝૂમ એપ્લીકેશન પર ધાલીવાલની સાથે વર્ચુઅલ મીટિંગમાં પણ સામેલ થઈ હતી.
એમઓ ધાલીવાલ આ સમગ્ર મામલાની મુખ્ય કડી હોવાનું કહેવાય છે. તેમની સંસ્થા પોએટિક જસ્ટિસ ફાઉન્ડેશન પર ટૂલકીટ બનાવવાનો આરોપ છે. દિલ્હી પોલીસ આ સંગઠનને ખાલિસ્તાન તરફી ગણાવી રહી છે. ખરેખર, કેનેડામાં જન્મેલા એમઓ ધાલીવાલ ડિજિટલ બ્રાંડિંગ ક્રિએટીવ એજન્સી સ્કાય રોકેટના ડિરેક્ટર છે. તે પોએટિક જસ્ટિસ ફાઉન્ડેશનના સ્થાપક પણ છે. સપ્ટેમ્બર 2020 માં, તેણે સોશિયલ મીડિયા પર એક પોસ્ટ મૂકી. તેમાં તેણે લખ્યું હતું કે હું ખાલિસ્તાની છું. દિલ્હી પોલીસ દ્વારા શરૂઆતી તપાસમાં બહાર આવ્યું છે કે, વિવાદાસ્પદ ટૂલકીટ ધાલીવાલની સંસ્થાએ વિકસાવી હતી. 11 જાન્યુઆરીએ પ્રજાસત્તાક દિવસ પહેલા ઝૂમ પર એક વર્ચ્યુઅલ મીટિંગ યોજવામાં આવી હતી, જેમાં પુનિત નામની મહિલાએ નિકિતા, દિશા, શાંતનુ સહિત 70 જેટલા લોકોનો સમાવેશ કર્યો હતો. બેઠકનો હેતુ પ્રજાસત્તાક દિનની આસપાસ અને તે પહેલાં સોશિયલ મીડિયા પર ગભરાટ ફેલાવવાનો હતો. ત્યારબાદ નિકિતા, દિશા અને શાંતનુએ ટૂલકિટનો મુસદ્દો તૈયાર કર્યો.
શ્રદ્ધાંજલિ / સ્વ. પૂર્વ મુખ્યમંત્રી ચીમન પટેલની શ્રદ્ધાંજલિ સભામાં કોંગ્રેસના નેતાઓ જ ગેરહાજર
Covid-19 / ખતરો હજુ ટળ્યો નથી! દેશમાં કોરોના વધુ બે વેરિએન્ટની એન્ટ્રી
દિલ્હી પોલીસના કહેવા મુજબ, ટૂલકિટ મામલામાં શાંતનુ બીજી મહત્વની કડી છે. મહારાષ્ટ્રના બીડનો રહેવાસી શાંતનુ એન્જિનિયર છે અને નિકિતા જેકબ અને દિશાનો સાથી છે. તે નિકિતા સાથે એનજીઓ એક્સઆર સાથે પણ સંકળાયેલ છે. દિલ્હી પોલીસના સાયબર સેલના જોઇન્ટ કમિશનર પ્રેમ નાથના જણાવ્યા અનુસાર, શાંતનુએ એક ઇમેઇલ એકાઉન્ટ બનાવ્યું, જે ટૂલકીટવાળા ગુગલ ડોક્યુમેન્ટના માલિક છે. શાંતનુએ આ ટૂલકિટ દિશા, નિકિતા અને અન્ય લોકો સાથે શેર કરી.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
