પશ્ચિમ બંગાળના પૂર્વ રાજ્યપાલ જગદીપ ધનખર ભારતના 14મા ઉપરાષ્ટ્રપતિ તરીકે ચૂંટાયા છે. વિપક્ષના ઉપરાષ્ટ્રપતિ પદના ઉમેદવાર માર્ગારેટ આલ્વાએ એનડીએના જગદીપ ધનખરને ચૂંટણી જીતવા બદલ અભિનંદન પાઠવ્યા છે. તેમણે ટ્વીટ કર્યું, “ધનખર જીને ઉપરાષ્ટ્રપતિ તરીકે ચૂંટાવા બદલ અભિનંદન! હું આ ચૂંટણીમાં મને મત આપનાર તમામ વિપક્ષી નેતાઓ અને તમામ પક્ષોના સાંસદોનો આભાર માનું છું “તેમજ, અમારા ટૂંકા પરંતુ તીવ્ર પ્રચાર દરમિયાન તેમની નિઃસ્વાર્થ સેવા માટે તમામ સ્વયંસેવકોને અભિનંદન.”
તેમણે વધુમાં કહ્યું કે, “આ ચૂંટણી વિપક્ષો માટે સાથે કામ કરવાની, ભૂતકાળને પાછળ છોડીને એકબીજા વચ્ચે વિશ્વાસ કેળવવાની તક હતી. કમનસીબે, કેટલાક વિરોધ પક્ષોએ સંયુક્ત વિપક્ષના વિચારને પાટા પરથી ઉતારવાના પ્રયાસમાં ભાજપને પ્રત્યક્ષ કે પરોક્ષ રીતે સમર્થન આપવાનું પસંદ કર્યું. અલ્વાએ કહ્યું, “હું માનું છું કે આમ કરીને આ પક્ષો અને તેમના નેતાઓએ તેમની પ્રતિષ્ઠાને નુકસાન પહોંચાડ્યું છે. આ ચૂંટણી પૂરી થઈ ગઈ છે. આપણા બંધારણની રક્ષા, લોકશાહીને મજબૂત કરવા અને સંસદની ગરિમા પુનઃસ્થાપિત કરવાની લડાઈ ચાલુ રહેશે.”
