ગુજરાતના સુરતમાં નકલી આધાર કાર્ડ બનાવીને હિન્દુ બનવાના આરોપમાં 27 વર્ષીય મુસ્લિમ યુવકની ધરપકડ કરવામાં આવી છે. સ્થાનિક પોલીસ અધિકારીઓના જણાવ્યા અનુસાર, અહીં અવધ માર્કેટમાં ઘણા હિંદુ લોકો રહે છે, તેથી મુસ્લિમ યુવક પોતાનો ધર્મ છુપાવીને કપડાનો ધંધો કરતો હતો. આ માટે તેણે હિન્દુના નામે બનાવટી આધાર કાર્ડ મેળવ્યું હતું. જેનો ઉપયોગ કરતા તે ઝડપાઈ ગયો હતો. વિશ્વ હિન્દુ પરિષદ (VHP)ના સભ્ય નરેન્દ્ર ચૌધરીએ ઓળખની છેતરપિંડી અને ખોટી રજૂઆત અંગે ચિંતા વ્યક્ત કરીને ફરિયાદ નોંધાવી હતી.
લોકો આરોપીને અર્જુન નામથી બોલાવતા હતા.
પોલીસે જણાવ્યું કે, આરોપી યુવક 9 વર્ષથી સુરતના અવધ બજારમાં રૂહી ફેશન નામની મહિલા કપડાની દુકાન ચલાવતો હતો. આ દરમિયાન તેણે સત્તાવાર દસ્તાવેજો માટે ઓઝૈર આલમ નામનો ઉપયોગ કર્યો હતો, પરંતુ યુવક પર આરોપ છે કે તેણે અર્જુન સિંહ, ભંવર સિંહના નામથી નકલી આધાર કાર્ડ બનાવ્યું હતું. તેની પાછળનું કારણ એવું કહેવાય છે કે સ્થાનિક લોકોને યુવકનું સાચું નામ ઉચ્ચારવામાં ખૂબ મુશ્કેલી પડતી હતી, તેથી લોકો તેને ‘અર્જુન’ કહીને બોલાવતા હતા, જેના કારણે તે પ્રભાવિત થઈ અર્જુન સિંહ, ભંવર સિંહના નામે નકલી આધાર કાર્ડ બનાવી લીધું.
પૂછપરછ પહેલા જ યુવક તૂટી પડ્યો
પોલીસે જણાવ્યું કે આરોપી યુવક પોલીસ સ્ટેશન લઈ જતી વખતે તૂટી પડ્યો હતો. પૂછપરછ દરમિયાન તેણે પોતાનું અસલી નામ ઓઝૈર આલમ જણાવ્યું છે, જે મૂળ બિહારના પશ્ચિમ ચંપારણ જિલ્લાનો છે. તપાસમાં એ પણ સામે આવ્યું છે કે નકલી આધાર કાર્ડમાં તેનું રહેઠાણ રાજસ્થાન બતાવ્યું હતું.
તેણે કથિત રીતે તેની દુકાન પર કોમ્પ્યુટરનો ઉપયોગ કરીને નકલી આધાર કાર્ડ બનાવ્યું હતું. અધિકારીઓ હાલમાં તપાસ કરી રહ્યા છે કે તેણે નકલી દસ્તાવેજનો ઉપયોગ અન્ય કોઈ હેતુ માટે કર્યો હતો અને વધુ પુરાવા એકત્ર કરવા માટે તેનો મોબાઈલ ફોન જપ્ત કર્યો છે. શનિવારે ફરિયાદ નોંધવામાં આવી હતી અને મામલો હજુ તપાસ હેઠળ છે.
આ પણ વાંચો:Gujarat High Court News/ગેંગરેપ પીડિતા-પતિના નિવેદનો ભરોસાપાત્ર નથી, હાઈકોર્ટે આજીવન કેદની સજા ફગાવી, ગુજરાત સરકારને સોંપાઈ કામગીરી
આ પણ વાંચો:Indian Passport/નામમાં ‘ભાઈ-બેન’ ના લોચા, ગુજરાતમાં પાસપોર્ટ ઓફિસમાં સેંકડો અરજીઓ આવે છે, જાણો
આ પણ વાંચો:AMARNATH YARTA/અમરનાથ યાત્રામાં ત્રીજા ગુજરાતી યાત્રીનું મોત, છેલ્લા 14 દિવસમાં કુલ 24ના મોત….