વડાપ્રધાન નરેન્દ્ર મોદી તેમના બીજા કાર્યકાળની ત્રીજી વર્ષગાંઠે 26 મેના રોજ દક્ષિણ ભારતના બે મુખ્ય રાજ્યો તેલંગાણા અને તમિલનાડુની મુલાકાત લેશે. પીએમ પહેલા હૈદરાબાદ જશે.
વડાપ્રધાન મોદી બપોરે 2 વાગ્યે ઈન્ડિયન સ્કૂલ ઓફ બિઝનેસ એન્યુઅલ ડેમાં હાજરી આપશે. છેલ્લા ત્રણ મહિનામાં વડાપ્રધાનની તેલંગાણાની આ બીજી મુલાકાત હશે. આ પહેલા ફેબ્રુઆરીમાં તેઓ સ્ટેચ્યુ ઓફ ઈક્વાલિટીનું ઉદ્ઘાટન કરવા ગયા હતા.
આ પછી પીએમ મોદી ચેન્નાઈ જશે અને ત્યાં સાંજે 5:45 વાગ્યે JLN ઇન્ડોર સ્ટેડિયમમાં તેઓ ઘણી પરિયોજનાઓનો શિલાન્યાસ કરશે અને મલ્ટીમોડલ લોજિસ્ટિક્સ પાર્કના શિલાન્યાસ સહિત અનેક પ્રોજેક્ટનું ઉદ્ઘાટન કરશે.
આ MMLP પ્રોજેક્ટ રૂ. 1,045 કરોડના ખર્ચે તમિલનાડુના તિરુવલ્લુર જિલ્લાના માપેડુ ગામમાં સ્થાપિત કરવામાં આવશે. ચેન્નાઈની મુલાકાત દરમિયાન પીએમ મોદી રાજ્ય ભાજપના નેતાઓને પણ મળશે.
આ પણ વાંચો:પંજાબના મુખ્યમંત્રી ભગવંત માન ગૃહમંત્રી અમિત શાહને મળ્યા, આ મોટી માંગણી
