સંસદમાં આજે રાત્રે 12 વાગ્યે અવિશ્વાસ પ્રસ્તાવ પર મતદાન શક્ય છે. પાક મીડિયા અનુસાર ઈમરાન ખાન થોડા સમયમાં સંસદ પહોંચશે. સાથે જ એટર્ની જનરલે કહ્યું છે કે સુપ્રીમ કોર્ટના આદેશનું પાલન કરવામાં આવે. સંસદમાં મોડી રાત્રે ઈમરાન ખાનની ઓફિસ ખોલવામાં આવી છે. સૂત્રોનું કહેવું છે કે ઈમરાન ખાન આ પત્ર ગૃહમાં શેર કરી શકે છે. સંસદની આસપાસના વિસ્તારમાં સુરક્ષા વધારી દેવામાં આવી છે.પાકિસ્તાનમાં ચાલી રહેલા રાજકીય સંકટ વચ્ચે મધ્યરાત્રિએ સુપ્રીમ કોર્ટનો દરવાજો ખોલવામાં આવ્યો છે. પાકિસ્તાનના ચીફ જસ્ટિસ સુપ્રીમ કોર્ટમાં પહોંચી રહ્યા છે. સુનાવણી બપોરે 12.35 કલાકે થશે
ઈમરાન ખાને આઈએસઆઈ ચીફને હટાવવાના સમાચારોનું ખંડન કર્યું છે. પત્રકારો સાથેની વાતચીતમાં તેણે કહ્યું છે કે હું કોઈને હટાવી રહ્યો નથી. સાથે જ ઈમરાન ખાને કહ્યું છે કે તેઓ ચીફ જસ્ટિસને ધમકી આપતો પત્ર બતાવશે. પાકિસ્તાનમાં અડધી રાત્રે રાજકીય ડ્રામા ચરમસીમાએ પહોંચી ગયો છે.
પાકિસ્તાનના વરિષ્ઠ પત્રકાર હામિદ મીરે દાવો કર્યો છે કે ઈમરાન ખાન આર્મી ચીફ બાજવા વિરુદ્ધ કાર્યવાહી કરવાના હતા. પરંતુ ઈમરાનના સલાહકાર ઝુલ્ફી બુખારી અને અન્ય સલાહકારોએ તેને આમ ન કરવાની સલાહ આપી હતી. રિપોર્ટ અનુસાર, સલાહકારોએ ઈમરાનને કહ્યું કે આમ કરવાના પરિણામ ખરાબ આવશે.