કોલંબો,
શ્રીલંકામાં રમાઈ રહેલી ICC ચેમ્પિયનશિપ દરમિયાન શ્રીલંકા ક્રિકેટ અધિકારીઓ દ્વારા પાંચ શંકાસ્પદ ભારતીયોને કસ્ટડીમાં લેવામાં આવ્યા છે. ભારત અને શ્રીલંકાની મહિલા ક્રિકેટ મેચ દરમિયાન શંકાસ્પદ આચરણ કરવાના આરોપમાં આ ભારતીયોને મેદાનમાંથી બહાર કરવામાં આવ્યા છે.
સ્થાનિક અધિકારીઓના જણાવ્યા મુજબ, આ પાંચ ભારતીયોની શંકાસ્પદ કરતૂતના કારણે તેઓને પોલીસને સોપવામાં આવ્યા છે.
શ્રીલંકા ક્રિકેટના એક અધિકારીના જણાવ્યું હતું કે, “તેઓને આ મેચ દરમિયાન ફોન પર વાતચીત કરતા જોયા હતા. જયારે તેઓનેઆ અંગે પૂછવામાં આવ્યું ત્યારે તેઓએ કહ્યું હતું કે, તેઓ પોતાના ઘરે મેચ અંગે જણાવી રહ્યા હતા.
આ મામલે પોલીસ દ્વારા તપાસ કરવામાં આવી રહી છે કે, તેઓના સંબંધ સટોડિયા સાથે છે કે નહિ.
જો કે મોટા સ્કોરની આ મેચમાં શ્રીલંકાએ અંતિમ ઓવરમાં જીત મેળવી હતી, જયારે આ સિરીઝ ભારતના પક્ષમાં રહી હતી.
મહત્વનું છે કે, આ વન-ડે સિરીઝ ICC મહિલા ચેમ્પિયનશિપનો જ એક ભાગ છે. આ સિરીઝમાં ક્વોલિફાય કરનારી ત્રણ ટીમોની પસંદ કરવામાં આવશે.
આ પહેલા પણ ડોમેસ્ટિક ટી-૨૦ મેચ દરમિયાન ઘણા શંકાસ્પદ ભારતીય અને પાકિસ્તાનના નાગરિકોને આ જ પ્રકારે મેદાનમાંથી બહાર કરવામાં આવ્યા હતા.
