અફઘાનિસ્તાનમાં વચગાળાની સરકારની જાહેરાત કરવામાં આવી છે, પરંતુ મોટો સવાલ એ છે કે તેને સરકાર કહેવી જોઈએ કે આતંકવાદીઓની ટોળકી? તાલિબાનની વચગાળાની સરકારના ઓછામાં ઓછા 14 સભ્યો સંયુક્ત રાષ્ટ્ર સુરક્ષા પરિષદની આતંકવાદી બ્લેકલિસ્ટમાં છે. તેમાં વડાપ્રધાન મુલ્લા મોહમ્મદ હસન અખુંદ, તેમના નાયબ અને ગૃહ પ્રધાન બંનેનો સમાવેશ થાય છે. તેમનો ઈતિહાસ જોતા આંતરરાષ્ટ્રીય સમુદાયની ચિંતા વધી છે.
સૌથી ભયાનક વૈશ્વિક આતંકવાદી સિરાજુદ્દીન હક્કાની છે, જેના માથા પર અમેરિકાએ 10 મિલિયન ડોલરનું ઈનામ જાહેર કર્યું છે. સિરાજુદ્દીનને ગૃહમંત્રી બનાવવામાં આવ્યા છે જ્યારે તેના કાકા ખલીલજ હક્કાનીને શરણાર્થીઓની જવાબદારી આપવામાં આવી છે. સંરક્ષણ મંત્રી મુલ્લા યાકુબ, વિદેશ મંત્રી મુલ્લા અમીર ખાન મુત્તાકી અને તેમના નાયબ શેર મોહમ્મદ અબ્બાસ સ્ટેનકઝાઈ, બધા જ UNSP 1988 પ્રતિબંધ સમિતિની યાદીમાં છે, જેને તાલિબાન પ્રતિબંધ સમિતિ તરીકે પણ ઓળખવામાં આવે છે.
ન્યુઝના અહેવાલ પ્રમાણે “તાલિબાનની વચગાળાની સરકારના ઓછામાં ઓછા 14 સભ્યો સંયુક્ત રાષ્ટ્ર સુરક્ષા પરિષદની બ્લેકલિસ્ટમાં છે.” તેને ગ્વાન્ટાનામો ખાડી જેલમાં રાખવામાં આવ્યો હતો. જેમાં મુલ્લા મોહમ્મદ ફાઝિલ (સંરક્ષણ નાયબ મંત્રી), ખૈરુલ્લાહ ખૈરખાવાહ (માહિતી અને સંસ્કૃતિ મંત્રી), મુલ્લા નૂરલ્લાહ નૂરી (સરહદ અને આદિજાતિ બાબતોના મંત્રી) અને મુલ્લા અબ્દુલ હક વાસિક (ગુપ્તચર નિયામક) નો સમાવેશ થાય છે. જૂથના પાંચમા સભ્ય, મોહમ્મદ નબી ઓમરીને પૂર્વ ખોસ્ત પ્રાંતના ગવર્નર તરીકે નિયુક્ત કરવામાં આવ્યા છે.
ઓબામા વહીવટીતંત્ર દ્વારા અમેરિકન સૈન્ય ભાગેડુ બોવે બર્ગદાહલના બદલામાં ‘તાલિબાની પાંચ’ નેતાઓને 2014 માં ગુઆન્ટાનામો ઘાટી જેલમાંથી મુક્ત કર્યા હતા. ફાઝિલ અને નૂરી પર 1998 માં મઝાર-એ-શરીફ ખાતે શિયા હઝરા, તાજિક અને ઉઝબેક સમુદાયના નરસંહારનો આદેશ આપવાનો આરોપ છે.
તાલિબાને અફઘાનિસ્તાનના જટિલ વંશીય જૂથોનું પ્રતિનિધિત્વ કરતી સર્વસમાવેશક સરકાર બનાવવાનો દાવો કર્યો હતો, પરંતુ મંત્રીમંડળમાં કોઈ હજરા પ્રતિનિધિ નથી. મંગળવારે જાહેર કરાયેલા મંત્રીમંડળના તમામ સભ્યો તાલિબાનના સ્થાપિત નેતા છે જે 2001 થી યુએસ દળો સામે લડી રહ્યા છે. કેબિનેટમાં કોઈ મહિલા સભ્યને પણ રાખવામાં આવી નથી.
કાર્યકારી વડા પ્રધાન મુલ્લા હસન તાલિબાનના સ્થાપક મુલ્લા ઉમરના નજીકના સહયોગી તરીકે સંયુક્ત રાષ્ટ્રની પ્રતિબંધોની યાદીમાં છે. હાલમાં તે તાલિબાનની શક્તિશાળી નિર્ણય લેતી સમિતિ રહબારી-શૂરાના વડા છે. નાયબ વડા પ્રધાન મુલ્લા અબ્દુલ ગની બરાદર અને મૌલવી અબ્દુલ સલામ હનાફી ડ્રગ્સની દાણચોરીમાં સંડોવાયેલા છે અને યુએનની કાળી યાદીમાં છે.
