બોલિવૂડ એક્ટર સલમાન ખાન આ દિવસોમાં પોતાની ફિલ્મ ‘કિસી કા ભાઈ કિસી કી જાન’ને કારણે ચર્ચામાં છે. તાજેતરમાં જ સલમાન ખાન પોતાની ફિલ્મના પ્રમોશન માટે કોમેડિયન કપિલ શર્માના શોમાં જોવા મળ્યો હતો. તેણે શો દરમિયાન એક કિસ્સો શેર કર્યો. તેણે કહ્યું કે એકવાર તેને ક્યાંક જવું હતું પરંતુ તેની પાસે ટેક્સીના પૈસા નહોતા. આવી સ્થિતિમાં તેણે ટેક્સી બુક કરાવી અને જ્યારે પૈસા ચૂકવવાનો વારો આવ્યો ત્યારે તેણે ડ્રાઈવર સાથે દગો કર્યો અને ચાલ્યો ગયો.
પૈસા વિના ટેક્સીમાં મુસાફરી
સલમાન ખાને કહ્યું, “કોલેજના સમયની વાત છે. ત્યારે અમારી પાસે એટલા પૈસા નહોતા. પરંતુ, મારે કોલેજમાં વહેલું પહોંચવાનું હતું. તેથી મેં ટેક્સી બોલાવી અને તેમાં બેસી ગયો. કોલેજ પહોંચ્યા પછી, જ્યારે ટેક્સી ડ્રાઈવરે પૂછ્યું. મને જ્યારે પૈસા માંગવામાં આવ્યા ત્યારે મેં ડ્રાઈવરને થોડીવાર રાહ જોવાનું કહ્યું, ત્યાર બાદ હું ત્યાંથી નીકળી ગયો અને પાછો આવ્યો જ નહીં.
વર્ષો પછી ફરી એ જ ડ્રાઈવર મળ્યો
સલમાન ખાને વધુમાં ઉમેર્યું હતું કે, “વર્ષો પછી હું તે ટેક્સી ડ્રાઈવરને ફરીથી મળ્યો. વાસ્તવમાં, શું થયું કે મેં મોડેલિંગ શરૂ કરી દીધું હતું અને સારા પૈસા કમાઈ રહ્યો હતો. એક દિવસ મેં ઘરે જવા માટે ટેક્સી મંગાવી અને સંયોગથી તે જ ડ્રાઈવર આવ્યો. આખો સમય ડ્રાઈવર કહેતો રહ્યો કે તેણે મને ક્યાંક જોયો છે.પરંતુ, તેને યાદ ન આવ્યું. જો કે, જ્યારે હું ઘરે પહોંચ્યો અને મેં તેને કહ્યું કે હું પૈસા લેવા ઉપર જાઉં છું, ત્યારે તેને બધું યાદ આવ્યું. પછી અમે બંને હસવા લાગ્યા. ત્યાર બાદ મેં તેના પૈસા વ્યાજ સહિત ચૂકવી દીધા.
આ પણ વાંચો:વિવેક અગ્નિહોત્રીએ કોર્ટમાં હાજર રહીને માંગવી પડી માફી, જાણો શું કહ્યું હાઈકોર્ટે
આ પણ વાંચો:રવિ તેજાના રાવણાસુરની ધારદાર એન્ટ્રીઃ અજય દેવગનની ભોલા અને નાની પર અસર
આ પણ વાંચો:બોની કપૂરની કારમાંથી મળ્યા લાખો રૂપિયાના ચાંદીના વાસણો, જાણો શું છે કનેક્શન
આ પણ વાંચો:જયપુરમાં ઉર્વશી રૌતેલાના કાર્યક્રમમાં શોકિંગ એકસીડન્ટ, આગમાં દાજતા માંડ માંડ બચી છોકરી
