અમેરિકાના એરિઝોના વિસ્તારમાં કેફી દ્રવ્યોની સ્મગલિંગ માટે 600 ફૂટ લાંબી સુરંગ બનાવવાની વાત બહાર આવી છે. સ્મગ્લરોએ કેએફસી ની એક જૂની રેસ્ટોરન્ટ નીચે બેસમેન્ટમાં આ સુરંગ બનાવી હતી. આ જ સુરંગના માધ્યમે મેક્સિકોમાં નશીલા પદાર્થોની સ્મગલિંગ કરવામાં આવતી હતી.
અમેરિકામાં પ્રતિબંધિત વસ્તુઓની સ્મગલિંગ કરવા માટે સ્મગલરો અવનવી યોજનાઓ બનાવતા હોય છે. તપાસમાં ખબર પડી છે કે આ સુરંગ સીમા પાર મેક્સિકોના સૈન લુડસ રિયો કોલારાડોનાં એક વ્યક્તિના ઘરના બેડરૂમમાં ખુલતી હતી. સ્મગલરોએ આ સુરંગના માધ્યમથી સ્મગલિંગ કરતા હતા.
બીબીસીનાં રિપોર્ટ અનુસાર આ સુરંગની જાણ લગભગ અઠવાડિયા પહેલા થઇ હતી. આ બિલ્ડીંગનાં માલિકની ધરપકડ કરી લેવામાં આવી છે. આંતરરાષ્ટ્રીય એજન્સીઓના ગુપ્ત સૂત્રો દ્વારા માહિતી મળી છે કે સંદિગ્ધ ઇવાન્સ લોપેઝની ધરપકડ બાદ નશાનાં આ સ્મગલિંગનાં કાળાં કાંડની ખબર પડી હતી.
આપણે જણાવી દઈએ કે લોપેઝનાં વાહનથી નશીલા પદાર્થોના બે કન્ટેનર મળ્યાં હતા. એટલે કે આ કન્ટેનરમાં લગભગ 118 કિલોગ્રામ કેફી દ્રવ્ય મળ્યાં હતા. આ પદાર્થોની કુલ કિંમત 7 કરોડ રૂપિયા આંકવામાં આવી હતી. આ બાદ જ આવા હથકંડાઓનો પર્દાફાશ થયો હતો.