12માની નકલી માર્કશીટ બનાવીને MBBSમાં એડમિશન મેળવનાર ડોક્ટરને લગભગ 44 વર્ષ બાદ જેલમાં જવું પડશે. જી હા.. તેને સમાજ વિરૂદ્ધ ગુનો ગણાવતા કોર્ટે ડોક્ટરને ત્રણ વર્ષની જેલની સજા અને 30 હજાર રૂપિયાનો દંડ ફટકાર્યો છે.અમદાવાદના પાલડી વિસ્તારમાં રહેતા ઉત્પલ પટેલે 1980માં 12માની પરીક્ષામાં 800માંથી 398 માર્ક્સ મેળવ્યા હતા. તેણે ઉત્તરવહી ફરીથી તપાસી, જેમાં પરિણામ એ જ રહ્યું. પરંતુ, તેણે 800માંથી 547 માર્ક્સ મેળવી નકલી માર્કશીટ તૈયાર કરીને અમદાવાદની BJ મેડિકલ કોલેજમાં પ્રવેશ મેળવ્યો હતો.
12ની આન્સર શીટ ફરી તપાસવામાં આવી હતી
ફરિયાદ બાદ મેડિકલ કોલેજે માર્કશીટ પ્રમાણિત કરી લીધી હતી. જ્યારે તેને ગુજરાત બોર્ડ ઓફ સેકન્ડરી એજ્યુકેશન પાસેથી જવાબ માંગ્યો, ત્યારે કહેવામાં આવ્યું કે તેની ધોરણ 12 ની ઉત્તરવહીની પુનઃ ચકાસણી માટે અરજી કરી હતી, પરંતુ પરિણામમાં કોઈ ફેરફાર થયો ન હતો.
નકલી માર્કશીટના આધારે MBBSમાં એડમિશન લેવાયું
બોર્ડે કહ્યું કે તેને નકલી માર્કશીટના આધારે MBBSમાં એડમિશન લીધું છે. કોલેજે 1991માં શાહીબાગ પોલીસ સ્ટેશનમાં ડોક્ટર વિરુદ્ધ FIR નોંધાવી હતી. મેટ્રોપોલિટન મેજિસ્ટ્રેટ પીએન નવીને આ અંગે સુનાવણી કરતાં ડોક્ટર ઉત્પલ પટેલને છેતરપિંડી અને બનાવટી બનાવવા બદલ ત્રણ વર્ષની કેદ અને રૂ. 30,000નો દંડ ફટકાર્યો હતો.
આ પણ વાંચોઃInterim Budget 2024/ આ ચાર જાતિઓ પર સરકારનું ફોકસ : નિર્મલા સીતારામન
આ પણ વાંચોઃ
આ પણ વાંચોઃ