દિલ્હીના મુખ્યમંત્રી અરવિંદ કેજરીવાલે શુક્રવારે કહ્યું હતું કે 2022ની વિધાનસભા ચૂંટણી પ્રચાર દરમિયાન જાહેર સંપત્તિઓ પર ગેરકાયદેસર રીતે પોસ્ટરો ચોંટાડવાના કેસમાં પોલીસ સમક્ષ હાજર થવા માટે તેઓ ચોક્કસપણે ગોવા જશે. ગોવા પોલીસ દ્વારા નોટિસ અંગે પૂછવામાં આવતા કેજરીવાલે કહ્યું કે, હું જઈશ. હું ચોક્કસ જઈશ.
ગોવા પોલીસે ગુરુવારે કેજરીવાલને નોટિસ જારી કરીને 27 એપ્રિલે હાજર થવા જણાવ્યું હતું. પેરનેમ પોલીસ સ્ટેશનના ઈન્સ્પેક્ટર દિલીપ કુમાર હાલરંકરે આમ આદમી પાર્ટી (AAP) ના રાષ્ટ્રીય સંયોજક અરવિંદ કેજરીવાલને ફોજદારી પ્રક્રિયા સંહિતાની કલમ 41(A) હેઠળ નોટિસ પાઠવી છે. ક્રિમિનલ પ્રોસિજર કોડની કલમ 41(a) હેઠળ, પોલીસ વ્યક્તિને પૂછપરછ માટે બોલાવી શકે છે જો ‘વાજબી’ ફરિયાદ હોય અથવા તેણે ગુનો કર્યો હોવાની શંકા હોય.
કેજરીવાલને આપવામાં આવેલી નોટિસમાં, ગોવા પોલીસે જણાવ્યું હતું કે, “સંપત્તિના દુરુપયોગના કેસની તપાસ દરમિયાન, તે ધ્યાનમાં આવ્યું છે કે વર્તમાન તપાસના સંબંધમાં તથ્યો અને સંજોગો જાણવા માટે તમારી પાસે પૂછપરછ કરવા માટે વાજબી કારણો છે. ” નોટિસ અનુસાર કેજરીવાલને 27 એપ્રિલે સવારે 11 વાગ્યે પરનેમ પોલીસ સ્ટેશનમાં હાજર થવા માટે કહેવામાં આવ્યું છે. ભાજપ શાસિત રાજ્યમાં 2022ની વિધાનસભા ચૂંટણીમાં AAPએ બે બેઠકો જીતી હતી.
આ પણ વાંચો:ટ્રાફિક સંચાલનઃ સુરત પોલીસના હકારાત્મક અભિગમથી લોકોમાં સાનંદાશ્ચર્ય
આ પણ વાંચો:જુનિયર ક્લાર્કની પરીક્ષા આપવા નીકળેલા પરીક્ષાર્થીઓને નડ્યો અકસ્માત
આ પણ વાંચો:સુરતમાંથી ઝડપાયું સરકારી અનાજ સગેવગે કરવાનું કૌભાંડ, બે લોકોની કરાઈ અટકાયત
આ પણ વાંચો:ગુજરાતના ટેક્સટાઇલ ઉદ્યોગો અને આનુષાન્ગિક ઉદ્યોગોની E- ડિરેક્ટરીનું મુખ્યમંત્રીશ્રીએ કર્યું લોન્ચિંગ
આ પણ વાંચો:હિંદુવાદી નેતા કાજલ હિન્દુસ્તાનીની પોલીસે કરી ધરપકડ, જાણો શુ લાગ્યો આરોપ
