લાલ સમુદ્રમાં અમેરિકન યુદ્ધ જહાજ પર હુમલો કરવામાં આવ્યો છે. અમેરિકી રક્ષા મંત્રાલય પેન્ટાગોને ગઈકાલે એટલે કે રવિવારે આ માહિતી આપી હતી. કહેવામાં આવી રહ્યું છે કે આ હુમલો ડ્રોન દ્વારા કરવામાં આવ્યો હતો. ઈઝરાયેલ-હમાસ યુદ્ધ વચ્ચે આ હુમલાને મોટી ઘટના માનવામાં આવી રહી છે. આને પશ્ચિમ એશિયામાં દરિયાઈ હુમલાની વધતી ઘટનાઓ તરીકે જોવામાં આવી રહી છે.
આ હુમલો યમન નજીક થયો હતો અને હજુ સુધી કોઈએ તેની જવાબદારી લીધી નથી. પેન્ટાગોને કહ્યું કે, અમે લાલ સમુદ્રમાં યુએસએસ કાર્ને અને કોમર્શિયલ જહાજો પર થયેલા હુમલાથી વાકેફ છીએ અને વિગતો જાણતા જ અમે જાણ કરીશું.
નોંધનીય છે કે, આ પહેલા યમનના હુથી વિદ્રોહીઓએ લાલ સમુદ્રમાં એક જહાજનું અપહરણ કર્યું હતું. આ જહાજ ભારત આવી રહ્યું હતું. આનો એક વીડિયો પણ સામે આવ્યો છે. એવું કહેવામાં આવી રહ્યું હતું કે હુતી વિદ્રોહીઓએ તેને ઇઝરાયેલનું જહાજ માનીને તેનું અપહરણ કર્યું હતું. હુતી વિદ્રોહી યમનના આ વિસ્તારમાં ખૂબ સક્રિય છે. બળવાખોરો આ વિસ્તારમાં પોતાની સરકાર ચલાવે છે.
આ પણ વાંચો:
આ પણ વાંચો:
આ પણ વાંચો:
