“આ તો માત્ર ટ્રેલર છે પિક્ચર હજુ બાકી છે” ની જેમ વૈજ્ઞાનિકોના જણાવ્યા અનુસાર દેશમાં આગામી ૧૫ મેં સુધીમાં કોરોનાના સક્રિય કેસ ૫૦ લાખ સુધી પહોચવાની આગાહી કરવામાં આવી છે.
દેશમાં કોરોના વાયરસની બીજી લહેરમાં ઘણા લોકો દરરોજ મૃત્યુ પામે છે. સક્રિય કેસની સંખ્યા પણ ઝડપથી વધી રહી છે. તરખાટ મચાવતી આ બીજી લહેર વચ્ચે આઇઆઇટી વૈજ્ઞાનિકો દ્વારા ચોકાવનારો ખુલાસો કરવામાં આવ્યો છે. એવું કહેવામાં આવે છે કે 15 મે સુધીમાં ભારતમાં કોરોનાના 50 લાખ જેટલા સક્રિય કેસ પહોંચી શકે છે.
આઈઆઈટીના ગાણિતિક મોડેલ મુજબ, 14-18 મેની વચ્ચે બીજી લહેર શિખર પર હશે. જેમાં સક્રિય કેસ 38-48 લાખ સુધી જઈ શકે છે. તે જ સમયે, 4-8 મેની વચ્ચે, દૈનિક સંક્રમીતોનો આંક 4.4 લાખ સુધી પહોંચી શકે છે. આઈઆઈટીના આ દાવાથી ચિંતાઓ વધુ વકરી છે. છેલ્લા ઘણા દિવસોથી દેશમાં ત્રણ લાખથી વધુ નવા કેસ આવી રહ્યા હોવાનું જાણવા મળે છે. સોમવારે સવારે મળેલા આંકડા મુજબ, દેશમાં છેલ્લા 24 કલાકમાં 3,52,991 નવા કોરોના કેસ નોંધાયા છે, જ્યારે આ સમયગાળા દરમિયાન 2,812 લોકોએ જીવ ગુમાવ્યો હતો. સક્રિય કેસની સંખ્યા વધીને 28,13,658 થઈ ગઈ છે.
ઈન્ડિયન ઇન્સ્ટિટ્યૂટ ઓફ ટેકનોલોજી કાનપુર અને હૈદરાબાદએ સૂત્ર મોડેલ લાગુ કરીને સક્રિય કેસ વધવાની વાત કરીછે. તેમના મતે, મેના મધ્ય સુધીમાં, એક મિલિયન કોરોનાના સક્રિય કેસ વધી શકે છે. અગાઉ, ગયા અઠવાડિયે, સંશોધનકારોએ આગાહી કરી હતી કે 11-15 મેની વચ્ચે બીજી તરંગ શિખર પર આવી શકે છે, સક્રિય કેસ 33 થી 35 લાખની વચ્ચે વધી શકે છે. બાદમાં, મેના અંતથી, કોરોનાના નવા કેસો ઘટવાનું શરૂ થશે, જે લોકોને રાહત આપશે. જો કે, આ મહિનાની શરૂઆતમાં, સમાન મોડેલના હવાલેથી ટાંકવામાં આવ્યું છે કે, આવ્યો હતો કે 15 એપ્રિલ સુધીમાં સક્રિય કેસ તેની ટોચ પર રહેશે જે ખોટું સાબિત થયું છે. આઈઆઈટી કાનપુરના કમ્પ્યુટર સાયન્સ અને એન્જિનિયરિંગ વિભાગના પ્રોફેસર મનિન્દર અગ્રવાલે કહ્યું કે, આ વખતે અમે સૌથી નિમ્ન અને સૌથી વધુ વેલ્યુ ને પણ કાઉન્ટ કરી છે. મને ખાતરી છે કે આપેલ બે નંબરો વચ્ચે, વાસ્તવિક કેસ રહેશે.
રવિવારે એક ટ્વિટર થ્રેડમાં, અગ્રવાલે સક્રિય અને નવા કોવિડ કેસની ટોચ વિશે માહિતી આપી. તેમણે લખ્યું, 14-18 મે દરમિયાન સક્રિય કેસ તેની મહત્તમ સપાટીએ હશે. અને 4-8 મે દરમિયાન દરરોજ નવાસંક્રમીતોના કીસાઓ પીક ઉપર હશે.
પીક વેલ્યુ: સક્રિય કેસો માટે 38–48 લાખ અને નવા સંક્રમણો માટે 3.4 થી 4.4 લાખ
“અન્ય ટવીટમાં અગ્રવાલે કહ્યું,” મેં હવે પીક વેલ્યુ અને સમય અને ફાઇનલ માટે બહુવિધ મૂલ્યોની ગણતરી કરી છે. હવે અંતિમ આંકડા આ પ્રમાણે જ હોવા જોઈએ. સમય જતાં મોડેલના બદલાતા અંદાજોનું વર્ણન કરતા, અગ્રવાલે કહ્યું, ‘પ્રાથમિક વાત એ છે કે ભારત માટે હાલના તબક્કાના પરિમાણ મૂલ્યો સ્થિર ધીમી ગતિ થી ચાલે છે. આનાથી યોગ્ય મૂલ્યનો અંદાજ કાઢવામાં મુશ્કેલી થાય છે. ”હજી સુધી અપ્રકાશિત અધ્યયનમાં વૈજ્ઞાનિકો કહે છે કે સૂત્ર મોડેલની ઘણી લાક્ષણિકતાઓ છે.
