દિલીપ કુમાર હવે આપણી સાથે નથી રહ્યા. આજે આ અભિનેતાએ મુંબઈની હોસ્પિટલમાં અંતિમ શ્વાસ લીધા છે. આ સમાચારો સામે આવ્યા ત્યારથી જ બોલિવૂડમાં શોકનું મોજુ ફરી વળ્યું છે. લોકો સતત પોતાનું દુ:ખ વ્યક્ત કરી રહ્યા છે. આપને જણાવી દઈએ કે, દિલીપ કુમારને આજે સાંજે પાંચ વાગ્યે જુહુ કબ્રસ્તાનમાં સુપુર્દ-એ-ખાક કરવામાં આવશે.
આ કબ્રસ્તાન જુહુ તારા રોડ પર સ્થિત છે. તેને સાંતાક્રુઝ કબ્રસ્તાન પણ કહેવામાં આવે છે. પોલીસ સ્ટેશનની સામે બનેલા આ કબ્રસ્તાનમાં મોહમ્મદ રફી, મધુબાલા, મજરૂહ સુલતાનપુરી સહિત અનેક મોટી હસ્તીઓ સુપુર્દ-એ-ખાક કરવામાં આવી ચુકી છે.
આ પણ વાંચો :મોદી સરકારે બનાવ્યુ નવુ મંત્રાલય, જાણો શું છે નામ
સવારે 7.3૦ વાગ્યે અભિનેતાએ અંતિમ શ્વાસ લીધા. થોડા દિવસો પહેલા શ્વાસ લેવામાં તકલીફ થવાને કારણે તેમને હોસ્પિટલમાં દાખલ કરવામાં આવ્યા હતા. તેમનો મૃતદેહ સવારે 10 વાગ્યે હોસ્પિટલથી ઘરે લાવવામાં આવ્યો હતો. આ દરમિયાન તેમની સાથે પત્ની સાયરા બાનુ સહિત કેટલાક નજીકના લોકો હાજર હતા.
દિલીપ કુમારની ફિલ્મી કરિયર
દિલીપ કુમારનું રીયલ નામ મોહમ્મદ યુસુફ ખાન હતું. તેમનો જન્મ 11 ડિસેમ્બર 1922 ના રોજ થયો હતો. તેઓ હિન્દી સિનેમામાં ફર્સ્ટ ખાન તરીકે જાણીતા છે. હિન્દી સિનેમામાં મેથડ અભિનયનો શ્રેય તેમને જાય છે.
આ પણ વાંચો :જ્યારે દિલીપ કુમારને સરકારે સિક્રેટ મિશન પર મોકલ્યા હતા પાકિસ્તાન, જાણો શું હતી અભિનેતાની મહત્વની ભૂમિકા
દિલીપ કુમારે 1944 માં બોમ્બે ટોકીઝ દ્વારા નિર્માતા ફિલ્મ જ્વાર ભાટાથી અભિનયની શરૂઆત કરી હતી. લગભગ પાંચ દાયકાની અભિનય કારકીર્દીમાં 65 થી વધુ ફિલ્મોમાં કામ કર્યું. દિલીપ કુમારની કેટલીક ફિલ્મો છે: અંદાઝ (1949), આન (1952), દાગ (1952), દેવદાસ (1955), આઝાદ (1955), મુગલ-એ-આઝમ (1960), ગુંગા જમુના (1961), રામ ઓર શ્યામ ( 1967).
આ પણ વાંચો :દિલીપકુમારનાં નિધન પર PM એ શોક વ્યક્ત કર્યો, કહ્યુ- તેમને હંમેશા યાદ રાખવામાં આવશે
1976 માં દિલીપ કુમારે કામથી પાંચ વર્ષનો વિરામ લીધો. આ પછી 1981 માં તેણે ક્રાંતિ ફિલ્મથી કમબેક કર્યું. આ પછી વો શક્તિ (1982), મશાલ (1984), કર્મ (1986), સૌદાગર (1991) તેમની છેલ્લી ફિલ્મ કિલા હતી જે 1998 માં રજૂ થઈ હતી.
