છેલ્લા એક વર્ષથી, સમગ્ર વિશ્વમાં ધરતીકંપથી આવાનો સિલસિલો યથાવત્ છે. દરમિયાન જાપાનની રાજધાની ટોક્યોમાં શનિવારે ભૂકંપ આવ્યો હોવાના સમાચાર સામે આવ્યા છે, જેની તીવ્રતા રિએક્ટર સ્કેલ પર 7.2 માપવામાં આવી છે. આ સિવાય સ્થાનિક વહીવટીતંત્રએ સુનામીની ચેતવણી પણ જારી કરી હતી. તે જ સમયે લોકોને દરિયાકિનારાથી દૂર કરવામાં આવી રહ્યા છે.
નેશનલ સેન્ટર ફોર સિસ્મોલોજીના અનુસાર, જાપાનના ટોક્યો નજીક શનિવારે બપોરે રિક્ટર સ્કેલ પર 7.2 ની તીવ્રતાનો ભૂકંપનો આંચકો અનુભવાયો હતો. એજન્સીના જણાવ્યા અનુસાર ભૂકંપનું કેન્દ્ર જાપાનના ટોક્યોથી 362 કિલોમીટર ઉત્તર-પૂર્વ (NNE) માં હતું. ભારતીય સમય પ્રમાણે સ્થાનિક સમય સાંજના 6.10 વાગ્યે આ આંચકા અનુભવાયો હતો. જણાવીએ કે, ભૂકંપ સપાટીથી 77 કિ.મી.ની ઊંડાણ પર ત્રાટક્યો હતો. આપને જણાવી દઈએ કે, તાજેતરમાં જ, 11 માર્ચે જાપાનમાં ભયંકર ભૂકંપ અને સુનામીનો દાયક વીત્યો છે.
ભૂકંપના આંચકો બાદ જે બાદ લોકો ઝડપથી ઘર અને ઓફિસની બહાર દોડી આવ્યા હતા. આ સમય દરમિયાન રિએક્ટર સ્કેલ પર ભૂકંપની તીવ્રતા 7.2 માપવામાં આવી હતી, જે સામાન્ય કરતા ઘણી વધારે છે. થોડા સમય પછી, જાપાન હવામાન કેન્દ્ર દ્વારા દરિયાકાંઠે આવેલા વિસ્તારો માટે સુનામી સલાહ આપવામાં આવી. તે જ સમયે, હાલ જાન અને સંપત્તિના નુકસાન વિશેની સચોટ માહિતી મળી નથી.
આપને જણાવી દઇએ કે જાપાન વિશ્વના એવા ક્ષેત્રમાંનો એક છે જ્યાં ભૂકંપના આંચકા આવતા રહે છે. ખરેખર, પૃથ્વીની ટેક્ટોનિક પ્લેટોની સરહદ ધરાવતા રીંગઓફ ફાયર પર સ્થિત આ દેશ ભૂકંપ માટે ખૂબ જ સંવેદનશીલ ક્ષેત્ર માનવામાં આવે છે.
