આસામ
આસામ પોલીસે થોડા ક્રિએટીવ થતા શાહરુખ ખાનનો સિગ્નેચર પોઝનો ઉપયોગ કર્યો છે. પોલીસ દ્વારા શાહરુખનો એ પોઝનો ઉપયોગ કરવામાં આવ્યો છે જેમાં તે હાથ ફેલાવીને જોવા મળે છે.
આસામ પોલીસની આ જાહેરાત ટ્વિટર પર પણ વાયરલ થઇ રહી છે. આ તસ્વીરમાં તમે શાહરુખ ખાનનો પોઝ, ટ્રાફિક લાઇટ્સ અને ઝિબ્રા ક્રોસિંગ જોઈ શકો છો. આસામ પોલીસે આ ફોટાને રિટ્વીટ કરતા લખ્યું, “ટ્રાફિકના નિયમોનું પાલન કરતા થોડું ઘણું નહીં પણ ઘણું બધું થાય છે.
શાહરુખ ખાનએ આ ફોટોને રીટ્વિટ કર્યો છે અને લખ્યું છે કે, “મને લાગે છે કે આ પોઝ દ્વારા આપવામાં આવેલો આ શ્રેષ્ઠ સંદેશ છે. કૃપા કરીને ટ્રાફિક નિયમોનું પાલન કરો.” ઉપરાંત, જો શાહરૂખ ખાનના વર્ક ફ્રંટ વિશે વાત કરીએ તો. તે ખુબ જ જલ્દી ફિલ્મ ઝીરોમાં જોવા મળશે. જ્યારે સલમાન ખાન ગેસ્ટ એપિરિયન્સ તરીકે જોવા મળશે.
આનંદ એલ. રોય દ્વારા નિર્દેશિત ફિલ્મ ‘ઝીરો’માં અનુષ્કા શર્મા લીડ રોલમાં હશે અને કેટરીના કૈફ કેમિયો રોલમાં હશે. આ ફિલ્મનો ટીઝર વિડીયો લાંબા સમય પહેલા રિલીઝ કરવામાં આવ્યો છે પરંતુ ટ્રેલર હજી આવ્યું નથી. ચાહકો મૂવી ટ્રેલર વિશે ખૂબ જ ઉત્સાહિત છે કારણ કે, ફરી એક વખત સલમાન અને શાહરુખ એક સાથે સ્ક્રીન પર જોવા મળશે.
