ફેબ્રુઆરી મહિનાના અંતમાં થોડા દિવસો બાકી છે અને ચાલુ નાણાકીય વર્ષ એટલે કે માર્ચ શરૂ થવાનો છે. રિઝર્વ બેંક ઓફ ઇન્ડિયાએ માર્ચ મહિનામાં બેંક રજાઓનું કેલેન્ડર બહાર પાડ્યું છે. આવી સ્થિતિમાં માર્ચ મહિનામાં કેટલા દિવસ બેંક ખુલશે અને કયા દિવસોમાં બેંકની રજા રહેશે તે જાણવું તમારા માટે ખૂબ મહત્વનું છે. જાણો રજાઓની યાદી..
જો કે, અહીં એ જાણવું મહત્વપૂર્ણ છે કે વિવિધ રાજ્યોમાં બેંકની રજાઓ જુદી જુદી હોય છે. આનું કારણ એ છે કે બેંકની રજાઓ પણ દરેક રાજ્યના તહેવારો પર આધારીત છે. માર્ચ મહિનામાં પહેલી રજા 5 માર્ચે છે જે ફક્ત મિઝોરમના માટે જ છે. ત્યારબાદ રવિવારે 7 માર્ચ છે ત્યારે કોઈ પણ બેંકમાં કોઈ કામ થશે નહીં.
11 માર્ચે મહાશિવરાત્રી
11 માર્ચ એ મહાશિવરાત્રીનો તહેવાર છે અને દેશભરની તમામ બેંકો બંધ રહેશે. બાદમાં 13 માર્ચ એ મહિનાનો બીજો શનિવાર છે અને 14 માર્ચે રવિવાર છે, જેના કારણે બે દિવસ સુધી બેંકોમાં કોઈ કામ નહીં કરવામાં આવે. 21 માર્ચ રવિવારે દેશભરની તમામ બેંકો રવિવારના કારણે બંધ રહેશે.
માત્ર 250 રુપિયામાં ખોલાવો ખાતું, દરરોજ 35 રુપિયાનું રોકાણ કરી મેળવો 5 લાખ રુપિયા
29-30 માર્ચે હોળી
મહિનાનો ચોથો શનિવાર 27 માર્ચે છે, તેના બીજા દિવસે 28 માર્ચ રવિવાર છે અને બેંકોમાં કોઈ કામગીરી થશે નહીં. 29 અને 30 માર્ચે દેશભરમાં હોળીનો તહેવાર ઉજવવામાં આવશે અને તમામ બેંકો સતત બે દિવસ બંધ રહેશે. આવી સ્થિતિમાં, માર્ચ મહિનામાં હોળીના તહેવારને ધ્યાનમાં રાખીને, તમારા માટે તે મહત્વનું છે કે બેંક બંધ થવાની સ્થિતિમાં તમારે તમારી બેંક કામગીરીને પહેલાથી પતાવી દેવી જોઈએ.
દેશની 9 બેંકોના ટોચના કર્મચારી સંઘે પણ 15 માર્ચથી બે દિવસીય હડતાલની જાહેરાત કરી છે. જાહેર ક્ષેત્રની બે બેંકોનું ખાનગીકરણ કરવાના પ્રસ્તાવનો બેંક યુનિય વિરોધ કરી રહ્યા છે. જોકે, આ બે દિવસ સુધી બેંકો બંધ રહેશે કે કેમ તે અંગે કોઈ સ્પષ્ટ માહિતી નથી. બેંક અધિકારીઓનું કહેવું છે કે રજા દરમિયાન એટીએમમાં રોકડની પૂરતી વ્યવસ્થા રહેશે અને લોકોને કોઈ પણ પ્રકારની મુશ્કેલીનો સામનો કરવો નહીં પડે.
