@સચીન પીઠવા, મંતવ્ય ન્યૂઝ – સુરેન્દ્રનગર
પાટડી નાગરીક સહકારી બેંકમાં 15, 16 અને 17 તારીખની સાંજે ઇન્ટરનેટ બંધ હતુ. અને 18મી જૂને બેંકમાંથી હેકર દ્વારા રૂ. 54 લાખથી વધુની રકમ બારોબાર ઉપાડી લીધાનું ધ્યાને આવ્યું હતુ. જેમાં પાટડી નાગરીક બેંકમાંથી કુલ 14 એન્ટ્રીથી 54,29,387 બહારનાં રાજ્યોમાં RTGS થી હેકરે ટ્રાન્સફર કર્યાનું ખુલ્યું હતુ. આથી પાટડી નાગરીક બેંકનાં ચેરમેન અને મેનેજર સહિતનાં આગેવાનો ગાંધીનગર સાઇબર ક્રાઇમમાં ફરીયાદ માટે પહોંચ્યા છે.
ક્રિકેટ ન્યૂઝ / મેચ દરમ્યાન આ ખેલાડી પર થઇ જાતીય ટિપ્પણી, સ્ટેડિયમાંથી બહાર નિકાળવામાં આવ્યા બે શખ્સ
પાછલા કેટલાક દિવસોથી ચીટર ગેંગ દ્વારા અભણ અને ભોળા લોકોને ફોન કરી તમને રૂ. 25 લાખનું ઇનામ લાગ્યું છે કે તમારૂ એટીએમ ખોવાઇ ગયું હોવાનુ જણાવી ઓટીપી કે પીન નંબર દ્વારા નાણા ઉપાડી લેવાની સાઇબર ક્રાઇમની ઘટના સામે આવી છે. અને બેંકો દ્વારા આવા ચીટર ગેંગથી સાવધાન રહેવા ગ્રાહકોને ચેતવવાનાં બોર્ડ પણ વિવિધ બેંકોમાં લગાવેલા નજરે પડે છે. પરંતુ હેકર ગેંગે હવે બેંકોને પણ ન છોડ્યાની સનસનીખેજ વિગતો બહાર આવી છે. પાટડીની મુખ્ય બજારમાં આવેલી ધી પાટડી નાગરિક સહકારી બેંક લિ.માં નગરજનોને એટીએમ, આરટીજીએસ, સ્ટેમ્પ સહિતની વિવિધ આધુનિક સુવિધાઓ પુરી પાડવામાં આવી રહી છે. અને બેંક પણ છેલ્લા કેટલાક વર્ષોથી વિક્રમજનક નફો પણ કરી રહી છે. ત્યારે પાટડી નાગરિક બેંકમાં ગત તા. 15, 16 અને 17 જૂનનાં રોજ સાંજનાં સમયે ઇન્ટરનેટ સેવા ઠપ્પ થઇ જવાની સાથે 18મી જૂનનાં રોજ ઇન્ટરનેટ સેવા પુન:કાર્યરત થતાં બેંકનાં ખાતામાંથી આરટીજીએસ દ્વારા રૂ.54 લાખથી પણ વધારાની રકમ ઉપડી ગયાની સનસનીખેજ વિગતો સામે આવી હતી. આથી બેંક મેનેજર મુકેશભાઇ દેસાઇ દ્વારા સઘન તપાસ કરાવાતા પાટડી નાગરીક બેંકમાંથી કુલ 14 એન્ટ્રીથી 54,29,387 બહારનાં રાજ્યોમાં RTGS થી હેકરે ટ્રાન્સફર કર્યાનું ખુલ્યું હતુ.
મહત્વનું નિવેદન / સપ્ટેમ્બર સુધીમાં આવી શકે છે બાળકો માટે કોવેક્સિન : ડો.રણદીપ ગુલેરિયા
જેમાં હેકર દ્વારા રૂ. 3 લાખથી પણ વધારેની રકમ સાથેની એક એન્ટ્રી મળી કુલ 14 એન્ટ્રી દ્વારા વિવિધ રાજ્યોના દિલ્હી, ગ્વાલિયર અને બેંગ્લોર જેવા શહેરોમાં રૂ. 54,29,387 આરટીજીએસ દ્વારા ટ્રાન્સફર કરી નાણા ચાંઉ કર્યાનું ખુલવા પામતા પાટડી નગરમાં હાહાકાર મચી જવા પામ્યો છે. હાલમાં તો પાટડી નાગરીક બેંકના ચેરમેન રશ્મિભાઇ પરીખ અને મૌલેશભાઇ પરીખ તથા મેનેજર મુકેશભાઇ દેસાઇ સહિતના આગેવાનો ગાંધીનગર સાઇબર ક્રાઇમમાં ફરીયાદ માટે પહોંચ્યા છે. બેંકમાંથી આરટીજીએસનું ફોર્મ ભર્યા કે એન્ટ્રી કર્યા વગર ખાતામાંથી નાણા ઉધારવાની ઇફેક્ટ ક્યાંથી થઇ એને લઇને ગાંધીનગર સાઇબર ક્રાઇમમાં ફરીયાદ નોંધાવી છે. પાટડી નાગરિક બેંકમાંથી હેકર દ્વારા રૂ. 54,29,387 નું આરટીજીએસ દ્વારા ચીટીંગ કર્યાનું ખુલ્યા બાદ મેનેજર દ્વારા તપાસ કરાતા બેંકમાં 15,16 અને 17 જૂનના રોજ ઇન્ટરનેટ સેવા ઠપ્પ હતી ત્યારે હેકર દ્વારા 15મી જૂને બેંકનો પાસવર્ડ હેક કરી સવારે 7થી 1 વાગ્યાના સમય દરમિયાન 14 એન્ટ્રી દ્વારા આ રકમ ટ્રાન્સફર કરાયાનું ખુલવા પામ્યું હતુ.
બેંક કૌભાંડ / નીરવ મોદી સહિતના આ કૌભાંડીઓ પર EDની મોટી કાર્યવાહી, વસૂલ કર્યા 18,170 કરોડ રૂપિયા
સાઇબર ક્રાઇમ અંતર્ગત ભેજાબાજ હેકરે 14 એન્ટ્રી દ્વારા રૂ. 54,29,387 ભારતના વિવિધ શહેરોમાં ટ્રાન્સફર કરતા પહેલા હેકરે બે એન્ટ્રી ટ્રાન્સફર કરી ફરી પાછા જમા કરાવીને ચેક પણ કર્યાનું ખુલવા પામ્યું છે. હાલ પુરતુ તો બેંકે આરટીજીએસ કામગીરી બંધ કરી બાકીની બેકીંગ કાર્યવાહી યથાવથ રાખી છે. પાટડી નાગરિક સહકારી બેંકમાંથી હેકરે રૂ. 54,29,387 આરટીજીએસ દ્વારા ટ્રાન્સફર કર્યાની ઘટના સામે આવ્યા બાદ એમાંથી જેના ખાતામાં નાણા ટ્રાન્સફર થયા એની તપાસ કરી એ ખાતા ધારકને બેંક દ્વારા ફોન કરાતા એણે ખાતામાં રૂ. 85 જ પડ્યાં હોવાનું જણાવ્યું હતુ. આથી ભેજાબાજ હેકરે અજાણ્યા લોકોના ખાતામાં નાણા જમા કરી નાણા ઓળવી ગયાનું સામે આવતા બેંકના અધિકારીઓ પણ ચોંકી ઉઠ્યા હતા.
