કોલકાતાઃ IPL 2024માં 31મી મેચ કોલકાતા નાઈટ રાઈડર્સ અને રાજસ્થાન રોયલ્સ વચ્ચે રમાઈ હતી. આ મેચમાં કોલકાતા નાઈટ રાઈઝર્સ ટીમને હારનો સામનો કરવો પડ્યો હતો. આ મેચમાં તેની ટીમ 223 રન બનાવ્યા બાદ પણ હારી ગઈ હતી. KKRના કેપ્ટન શ્રેયસ અય્યર માટે આ હાર પચાવવી ખૂબ જ મુશ્કેલ હતી, આ દરમિયાન BCCIએ તેને વધુ એક મોટો ઝટકો આપ્યો છે. જેના કારણે તેને બેવડું નુકસાન વેઠવું પડે છે.
અય્યરને બેવડો ફટકો
કોલકાતાના ઈડન ગાર્ડન્સમાં રમાયેલી આ મેચ બાદ બીસીસીઆઈએ તેના પર 12 લાખ રૂપિયાનો દંડ લગાવ્યો છે. કોલકાતા નાઈટ રાઈડર્સના કેપ્ટન શ્રેયસ અય્યરને મંગળવારે ઈડન ગાર્ડન્સ ખાતે રાજસ્થાન રોયલ્સ સામેની ઈન્ડિયન પ્રીમિયર લીગ 2024ની મેચ દરમિયાન ધીમી ઓવર રેટ જાળવવા બદલ તેની ટીમને ભારે દંડ ફટકારવામાં આવ્યો છે. ન્યૂનતમ ઓવર રેટના ગુનાઓ સંબંધિત IPL આચાર સંહિતાનો ભંગ કરવા બદલ અય્યરને 12 લાખ રૂપિયાનો દંડ ફટકારવામાં આવ્યો છે.
અય્યર ખરાબ ફોર્મ સામે ઝઝૂમી રહ્યો છે
IPLની આ સિઝનમાં શ્રેયસ અય્યર ખૂબ જ ખરાબ ફોર્મમાંથી પસાર થઈ રહ્યો છે. તેણે આ સિઝનમાં એક પણ ઇનિંગ્સ રમી નથી જેના વિશે વાત કરી શકાય. આ કારણે તેની ટીમને જ નુકસાન નથી થઈ રહ્યું પરંતુ તેની કારકિર્દીને પણ નુકસાન થઈ રહ્યું છે. હકીકતમાં, બીસીસીઆઈએ તેને તેના સેન્ટ્રલ કોન્ટ્રાક્ટમાંથી બહાર કરી દીધો છે. આવી સ્થિતિમાં જો તેણે વાપસી કરવી હોય તો આઈપીએલ દરમિયાન સારી ઇનિંગ્સ રમવી પડશે. આ સિઝનમાં તેણે 6 મેચમાં 35ની એવરેજ અને 122.81ના સ્ટ્રાઈક રેટથી માત્ર 140 રન બનાવ્યા છે.
જોકે, કેપ્ટનશિપની વાત કરીએ તો શ્રેયસ અય્યરે શાનદાર પ્રદર્શન કર્યું છે. આ સિઝનમાં તેની ટીમે 6માંથી ચાર મેચ જીતી છે. કોલકાતા માટે એકમાત્ર સમસ્યા તેમના કેપ્ટનનું ફોર્મ છે. જો કે છેલ્લી ત્રણ મેચમાં કોલકાતાનું પ્રદર્શન નબળું રહ્યું છે. છેલ્લી ત્રણ મેચમાં તેઓ માત્ર એક જ જીતી શક્યા છે.
આ પણ વાંચો: રાજસ્થાન રોયલ્સે રોમાંચક મેચમાં કોલકાતા નાઈટ રાઈડર્સને 2 વિકેટથી હરાવ્યું
આ પણ વાંચો: યુઝવેન્દ્ર ચહલનો ટીપ્સ આપતો વીડિયો સામે આવ્યો, આ કઇ લાઇનમાં આવી ગયા છો ફેન્સે કરી કોમેન્ટ
આ પણ વાંચો: પાકિસ્તાન – ન્યુઝીલેન્ડ વચ્ચે T20 વલ્ડ કપ 2024 સીરીઝ 5 મેચો રમાશે. જાણો ક્યાં અને ક્યારે મેચ
