અમદાવાદ: સોમવારે બજારો ખુલતાની સાથે જ સરકારી માલિકીની ગુજરાત સ્ટેટ પેટ્રોનેટ લિમિટેડ (GSPL)ના શેરના ભાવમાં 19.6%નો ઘટાડો નોંધાયો હતો. કંપનીના શેરના ભાવ શુક્રવારના રોજ અગાઉના બંધમાં રૂ. 377.85ની સામે BSE પર ઘટીને રૂ. 303.8 પર આવી ગયા હતા, જે રીતસરનો 20 ટકાનો કડાકો દર્શાવે છે.
પેટ્રોલિયમ અને નેચરલ ગેસ રેગ્યુલેટરી બોર્ડ ( PNGRB ) દ્વારા જારી કરાયેલા નવા ટેરિફ ઓર્ડરને પગલે આ ક્રેશ થયું, જેમાં ઉચ્ચ દબાણવાળી ગેસ ગ્રીડ પાઇપલાઇન માટે GSPL ના દરો વર્તમાન દરથી 46.8% ઘટ્યા હતા, જે કંપની માટે નિરાશાજનક હતું.
ઘટેલા ભાવને કારણે તેની બજાર મૂડીમાં નોંધપાત્ર ઘટાડો થયો હતો, જે શુક્રવારના રોજ બંધ થયેલા રૂ. 21,270 કરોડથી સોમવારે રૂ. 17,056.1 કરોડ થયો હતો. PNGRBના આદેશ અનુસાર, નવો ટેરિફ 18.1 રૂપિયા પ્રતિ મિલિયન બ્રિટિશ થર્મલ યુનિટ્સ (એમએમબીટીયુ) પર નક્કી કરવામાં આવ્યો છે અને તે 1 મેથી લાગુ થશે. હકીકતમાં, મંજૂર કરાયેલ ટેરિફ GSPL દ્વારા માંગ્યા મુજબ.રૂ. 51/એમએમબીટીયુના પ્રસ્તાવિત ટેરિફ કરતાં લગભગ 64% નીચી છે.
આ પણ વાંચો:અમદાવાદના સિવિલ હોસ્પિટલના ચોથા વર્ગના કર્મચારીઓ હડતાળ પર
આ પણ વાંચો:પાટણમાં ત્રણ વ્યક્તિઓ ડૂબ્યા, મહિલાને બચાવાઈ
આ પણ વાંચો:કલેકટરની દરમિયાનગીરી પછી હિમાદ્રી રેસિડેન્સીના બિલ્ડર સામે ફરિયાદ નોંધાઈ
