ચેમ્પિયન્સ ટ્રોફી 2025માં પાકિસ્તાનમાં યોજાવાની છે, પરંતુ ભારતીય ટીમ આ ટૂર્નામેન્ટ માટે ત્યાં જશે કે નહીં તે અંગે કોઈ સત્તાવાર અહેવાલ નથી. આ દરમિયાન એક રિપોર્ટમાં દાવો કરવામાં આવ્યો છે કે ટીમ ઈન્ડિયા ત્યાં રમવા નહીં જાય. જો ભારતીય ટીમ ચેમ્પિયન્સ ટ્રોફીમાં પાકિસ્તાન સામે રમવા નહીં જાય તો શું થશે? પાકિસ્તાન ક્રિકેટ બોર્ડ (PCB)એ આ અંગે નિવેદન આપ્યું છે.
જાણકારી અનુશાર ‘જો ભારતીય ક્રિકેટ કંટ્રોલ બોર્ડ (BCCI) ICC ચેમ્પિયન્સ ટ્રોફી રમવા માટે પોતાની ટીમને પાકિસ્તાન મોકલવાનો સત્તાવાર રીતે ઇનકાર કરે છે, તો PCB વિકલ્પો પર વિચાર કરશે. વાસ્તવમાં, તાજેતરમાં જ એક અહેવાલ આવ્યો હતો જેમાં કહેવામાં આવ્યું હતું કે ભારત આવતા વર્ષે પડોશી દેશમાં યોજાનારી આ ટૂર્નામેન્ટ માટે પાકિસ્તાન નહીં જાય.
‘PCBના અધ્યક્ષ મોહસિન નકવી પહેલા જ કહી ચૂક્યા છે કે જો ભારતને આવતા વર્ષે પાકિસ્તાનમાં યોજાનારી ICC ચેમ્પિયન્સ ટ્રોફીમાં ભાગ લેવાની મંજૂરી આપવામાં આવે તો પાકિસ્તાન તટસ્થ સ્થળે ભારત સાથે દ્વિપક્ષીય શ્રેણી રમવા માટે તૈયાર છે.’આ સૂત્રએ કહ્યું, ‘રોહિત શર્માના નિવેદન પર આધારિત રિપોર્ટમાં સ્પષ્ટ વિરોધાભાસ છે. આ સ્પષ્ટપણે દર્શાવે છે કે જ્યારે ક્રિકેટની વાત આવે છે, ત્યારે ખેલાડીઓ ઇચ્છુક હોય છે અને ઘરના મેદાન પર એકબીજા સામે રમવામાં કોઈ સમસ્યા નથી, પરંતુ તે ભારતનું રાજકીય નેતૃત્વ છે જે આવું કરવા માંગતું નથી.
1996 પછી પાકિસ્તાનમાં મોટી ટુર્નામેન્ટ થઈ રહી છે
પાકિસ્તાન 1996ના વર્લ્ડ કપ બાદ તેની પ્રથમ આંતરરાષ્ટ્રીય ક્રિકેટ ઈવેન્ટનું આયોજન કરવાની તૈયારી કરી રહ્યું છે. જ્યારે ચેમ્પિયન્સ ટ્રોફી આઈસીસીની ઈવેન્ટ છે, ત્યારે ભારત માટે પોતાની ટીમને પાકિસ્તાન મોકલવાનો ઈન્કાર કરવો આસાન નહીં હોય.
તો શું ચેમ્પિયન્સ ટ્રોફીમાં હાઇબ્રિડ મોડલ જોવા મળશે?
ICC ચેમ્પિયન્સ ટ્રોફીમાં હાઇબ્રિડ મોડલ માટે પણ ચર્ચા થઈ શકે છે. જેમાં ભારત-પાકિસ્તાન મેચોને અબુ ધાબી અને સંયુક્ત આરબ અમીરાત (UAE) જેવા તટસ્થ સ્થળોએ ટ્રાન્સફર કરી શકાય છે.
શા માટે ભારત ચેમ્પિયન્સ ટ્રોફીમાં નહીં જાય તેની ચર્ચા?
ટીમ ઈન્ડિયા આવતા વર્ષે ICC ચેમ્પિયન્સ ટ્રોફી માટે પાકિસ્તાનનો પ્રવાસ નહીં કરી શકે. આમાં, સ્થળ કદાચ શિફ્ટ કરવામાં આવશે અથવા હાઇબ્રિડ મોડલનો ઉપયોગ કરવામાં આવશે. સૂત્રોએ એમ પણ કહ્યું હતું કે નજીકના ભવિષ્યમાં પડોશીઓ સાથે દ્વિપક્ષીય શ્રેણીની કોઈ શક્યતા નથી.
ભારત અને પાકિસ્તાન વચ્ચે 2012-13માં દ્વિપક્ષીય શ્રેણી યોજાઈ હતી
ભારત અને પાકિસ્તાન વચ્ચે છેલ્લે 2012-13માં દ્વિપક્ષીય મર્યાદિત ઓવરોની (50 ઓવરની) શ્રેણી રમાઈ હતી, જ્યારે પાકિસ્તાને ભારતનો પ્રવાસ કર્યો હતો. ગયા વર્ષે ભારતે પાકિસ્તાનમાં એશિયા કપ રમવા માટે પોતાની ટીમ મોકલવાની ના પાડી દીધી હતી. આ પછી, એશિયન ક્રિકેટ કાઉન્સિલ (ACC) એ ઇવેન્ટ માટે એક હાઇબ્રિડ મોડલ બનાવ્યું, જેના પછી ભારતની મેચો શ્રીલંકામાં યોજાઈ.
આ પણ વાંચો:હાર્દિક પંડ્યા બન્યો બેશરમ! વિકેટ ન મળતાં ખામીઓ છુપાવતો જોવા મળ્યો
આ પણ વાંચો:17 વર્ષના ડી ગુકેશે રચ્યો ઈતિહાસ… ચેસમાં 40 વર્ષ જૂનો રેકોર્ડ તોડ્યો
આ પણ વાંચો:યશસ્વી જયસ્વાલે રચ્યો ઈતિહાસ, બન્યો IPLનો એકમાત્ર ક્રિકેટર
