પશ્ચિમ બંગાળના પ્રખ્યાત રાશન વિતરણ કૌભાંડ કેસમાં પૂર્વ TMC બોનગાંવ નગરપાલિકા પ્રમુખ શંકર આદ્યાની ED દ્વારા ધરપકડ કરવામાં આવી છે. ઈડીની ટીમે ગઈકાલે આદ્યાના સાસરિયાના ઘરે દરોડા પાડ્યા હતા. તેઓ પૂર્વ ખાદ્ય મંત્રી જ્યોતિપ્રિયા મલિકના નજીકના માનવામાં આવે છે. તમને જણાવી દઈએ કે ED અધિકારીઓએ શુક્રવારે ઉત્તર 24 પરગણા જિલ્લામાં તૃણમૂલના બે નેતાઓના ઘરે દરોડા પાડ્યા હતા. કેન્દ્રીય તપાસ એજન્સીની એક ટીમ બોનાગાંવ નગરપાલિકાના પૂર્વ અધ્યક્ષ શંકર આદ્યાના સાસરે પહોંચી હતી. બીજી ટીમ સંદેશખાલીમાં શાહજહાં શેખના ઘરે પહોંચી હતી. સૂત્રોનું માનીએ તો શંકર અને શાહજહાં બંને પશ્ચિમ બંગાળના પૂર્વ ખાદ્ય મંત્રી અને ટીએમસીના નેતા જ્યોતિપ્રિયા મલિકના નજીકના છે.
EDએ શુક્રવારે સવારે લગભગ 7:30 વાગ્યે બાણગાંવના શિમુતલામાં શંકર આદ્યાના સાસરિયાના ઘરે સર્ચ શરૂ કર્યું અને 17 કલાક પછી ત્યાંથી નીકળી ગયો. ત્યારબાદ રાત્રે 12.30 વાગે આદ્યની ધરપકડ કરવામાં આવી હતી. શંકર આદ્યએ જ્યોતિપ્રિયા મલિકની મદદથી રાજકારણમાં પ્રવેશ કર્યો હતો. તેઓ 2005માં બાણગાંવ મ્યુનિસિપાલિટીના કાઉન્સિલર બન્યા અને બાદમાં ચેરમેન પદે પહોંચ્યા. શંકરની પત્ની બાણગાંવ નગરપાલિકાના પ્રમુખ પણ રહી ચૂક્યા છે.
આ પણ વાંચો:hijacked ship/અરબી સમુદ્રમાં જહાજનું અપહરણ, ભારતીય નૌકાદળે INS મોકલી કરી મદદ
આ પણ વાંચો :હુમલો/બંગાળમાં દરોડા દરમિયાન ટોળાએ ED પર કર્યો હુમલો,મોબાઈલ, લેપટોપ અને રોકડની પણ કરી લૂંટ
આ પણ વાંચો :Screening Committee/લોકસભા ચૂંટણી માટે કોંગ્રેસે સ્ક્રીનિંગ કમિટીની કરી જાહેરાત
