આમ આદમી પાર્ટી (AAP)ના રાષ્ટ્રીય સંયોજક અરવિંદ કેજરીવાલ અને રાજ્યસભા સાંસદ સંજય સિંહને ગુજરાત હાઈકોર્ટે આંચકો આપ્યો છે. કોર્ટે તેમની સામે ચાલી રહેલી ફોજદારી માનહાનિની કાર્યવાહી પર વચગાળાનો સ્ટે આપવાનો ઇનકાર કર્યો છે. આ ચુકાદો સેશન કોર્ટમાં તેની રિવિઝન અરજીના નિકાલ સુધી લાગુ રહેશે. વડાપ્રધાનની ડિગ્રીને લઈને ગુજરાત યુનિવર્સિટીમાં ટિપ્પણી કરવા બદલ બંને સામે માનહાનિનો કેસ ચાલી રહ્યો છે. AAP નેતાઓએ અમદાવાદની મેજિસ્ટ્રેટ કોર્ટ સમક્ષ કાર્યવાહી પર વચગાળાનો સ્ટે માંગ્યો છે. આવી સ્થિતિમાં જ્યાં સુધી મેજિસ્ટ્રેટ દ્વારા જારી કરાયેલા સમન્સ સામે તેમની રિવિઝન અરજી પર નિર્ણય ન આવે ત્યાં સુધી તેમણે કાર્યવાહી પર રોક લગાવવાની માગ કરી હતી.
અગાઉ, મેજિસ્ટ્રેટે બંનેને સમન્સ જારી કરીને 11 ઓગસ્ટે હાજર રહેવા જણાવ્યું હતું. તેમણે આ આદેશને સેશન્સ કોર્ટ સમક્ષ પડકાર્યો હતો, જેણે 5 ઓગસ્ટના રોજ કાર્યવાહી પર વચગાળાનો સ્ટે આપવાનો ઇનકાર કર્યો હતો. આવી સ્થિતિમાં તેઓ રાહત માટે ગુજરાત હાઈકોર્ટ તરફ વળ્યા હતા. તેમની ડિગ્રી જાહેર ન કરવા બદલ વડાપ્રધાન મોદી વિરુદ્ધ કથિત રીતે બદનક્ષીભર્યા નિવેદનો કરવા બદલ ગુજરાત યુનિવર્સિટીએ બંને નેતાઓ સામે કેસ કર્યો છે.
આ વર્ષે 17 એપ્રિલના રોજ પસાર કરાયેલા આદેશમાં, એડિશનલ ચીફ મેટ્રોપોલિટન મેજિસ્ટ્રેટ (ACMM) જયેશભાઈ ચોવટિયાએ કહ્યું હતું કે કેજરીવાલ અને સંજય સિંહ દ્વારા કરવામાં આવેલા નિવેદનો પ્રથમદર્શી બદનક્ષીભર્યા હતા. પેનડ્રાઈવમાં વહેંચાયેલા મૌખિક અને ડિજિટલ પુરાવાની નોંધ લીધા બાદ ન્યાયાધીશે આદેશ આપ્યો. જેમાં ગુજરાત હાઈકોર્ટના નિર્ણય બાદ કેજરીવાલના ટ્વીટ અને ભાષણોનો સમાવેશ કરવામાં આવ્યો હતો.
હાઈકોર્ટના આ ચુકાદામાં જસ્ટિસ બીરેન વૈષ્ણવે યુનિવર્સિટી દ્વારા દાખલ કરવામાં આવેલી અપીલને મંજૂરી આપી હતી અને કહ્યું હતું કે વડાપ્રધાન મોદીની ડિગ્રી જાહેર કરવાની જરૂર નથી. હાઈકોર્ટે કેજરીવાલ પર 25,000 રૂપિયાનો દંડ પણ લગાવ્યો છે. આ હકીકતોની નોંધ લેતા, મેજિસ્ટ્રેટે અભિપ્રાય આપ્યો કે આરોપી રાજકારણીઓ સુશિક્ષિત રાજકીય કાર્યકર્તાઓ છે. તે જાણે છે કે તેના નિવેદનો સામાન્ય રીતે જનતાને અસર કરે છે.
આ પણ વાંચો:સુરતમાં વિદ્યાર્થીઓએ માનવ સાંકળ સાથે બનાવ્યો ભારતનો નકશો; જુઓ આ અદ્ભુત દૃશ્ય
આ પણ વાંચો:સુરતમાં ટ્રક ચાલકે બાઈક ચાલકને અડફેટે લેતા માથું ધડથી અલગ
આ પણ વાંચો:GMSCLના ગોડાઉનમાં કૌંભાડની આશંકા, ગેરકાયદ સ્ટિકર લગાવી સગેવગે
આ પણ વાંચો:હરિયાણામાં ગાય લેવા ગયા હતા પણ મોત લઈને આવ્યા ગુજરાતી!
