ભારતના રેલ્વે ટ્રેક પર આગામી દિવસોમાં બુલેટ ટ્રેન દોડતી જોવા મળશે. રેલ્વે વિભાગ તરફથી ખુશ ખબર આવ્યા છે. એવું કહેવામાં આવ્યું છે કે વંદેભારત એક્સપ્રેસ બાદ ભારત હવે સ્વદેશી બુલેટ ટ્રેનની તૈયારી કરી રહ્યું છે. આ ટ્રેન ભારતની સૌથી ઝડપી ટ્રેન હશે. હાલમાં તેની ડિઝાઇન પર કામ ચાલી રહ્યું છે. એક અધિકારીએ કહ્યું, ‘તે વંદે ભારત પ્લેટફોર્મ પર બનાવવામાં આવી રહ્યું છે, જે પહેલાથી જ 220 કિમી પ્રતિ કલાકની ઝડપને સ્પર્શ કરી શકે છે.’ ડિઝાઈનનું કામ ચેન્નાઈ સ્થિત ઈન્ટિગ્રલ કોચ ફેક્ટરીમાં થઈ રહ્યું છે.
જણાવી દઈએ કે વૈશ્વિક સ્તરે 250 કિમી પ્રતિ કલાકની ઝડપે દોડતી ટ્રેનોને હાઈ સ્પીડ ટ્રેન કહેવામાં આવે છે. રિપોર્ટમાં અધિકારીના હવાલાથી કહેવામાં આવ્યું છે કે આ ટ્રેનો ભારતમાં હાલમાં ચાલી રહેલી કોઈપણ ટ્રેન કરતાં વધુ ઝડપી હશે. ભારત હાલમાં જાપાનીઝ ટેક્નોલોજીની મદદથી બુલેટ ટ્રેન તૈયાર કરી રહ્યું છે. આ ટ્રેન અમદાવાદ-મુંબઈ વચ્ચે દોડશે અને 320 કિમી પ્રતિ કલાકની ઝડપે પહોંચી શકશે. એવા અહેવાલ છે કે ભારત આ રૂટ પર શિંકનસેન E5 શ્રેણીની ટ્રેનો શરૂ કરવાનું વિચારી રહ્યું છે. ફ્રેન્ચ ટીજીવી અને જાપાનીઝ શિંકનસેન 250 કિમી પ્રતિ કલાકથી વધુની ઝડપે દોડે છે.
રિપોર્ટ અનુસાર, અધિકારીએ કહ્યું છે કે અત્યાર સુધી ભારતીય રેલ્વેની ટ્રેનોની સ્પીડ સુધારવા પર ધ્યાન આપવામાં આવતું હતું. તેમણે કહ્યું, ‘વંદે ભારતનું (પ્રસ્તાવિત) પ્રકાર હવે 52 સેકન્ડમાં 0 થી 100 kmphની ઝડપે પહોંચી શકે છે. જ્યારે વર્તમાન બુલેટ ટ્રેન આ કામ 54 સેકન્ડમાં કરે છે. ભારતની સ્વદેશી મેડ ઈન ઈન્ડિયા બુલેટ ટ્રેન ઉત્તર, દક્ષિણ અને ઈસ્ટર્ન કોરિડોરમાં ચાલશે, જેની જાહેરાત થોડા સમય પહેલા કરવામાં આવી છે. એક અધિકારીએ કહ્યું, ‘નવા કોરિડોરમાં વધુ ભારતીય ટેક્નોલોજી અને સ્વદેશી બનાવટના ઉત્પાદનોનો ઉપયોગ કરવામાં આવશે.’
આ પણ વાંચો:સુરતના ડીંડોલીમાં યુવકની કરપીણ હત્યા, તપાસનો ધમધમાટ શરૂ
આ પણ વાંચો:લોકસભા ચૂંટણી માટે આ ઉમેદવારોએ વિજયમુહૂર્તમાં નોંધાવી ઉમેદવારી
આ પણ વાંચો:ક્ષત્રિય સમાજના અલ્ટીમેટમ વચ્ચે પરષોત્તમ રૂપાલાએ રાજકોટથી નોંધાવી ઉમેદવારી
