કોચ રાહુલ દ્રવિડ અને કેપ્ટન રોહિત શર્માના નેતૃત્વમાં ભારતીય ટીમમાં ઘણા ફેરફારો જોવા મળ્યા છે. ટી20થી ટેસ્ટ ત્રણેય ફોર્મેટમાં ટીમ ઈન્ડિયામાં ઘણા નવા ખેલાડીઓ આવ્યા છે. પરંતુ તેની સાથે ઘણા સિનિયર ખેલાડીઓને પણ રજા આપવામાં આવી છે. ભારત માટે ટેસ્ટ ક્રિકેટમાં શાનદાર પ્રદર્શન કરનાર હનુમા વિહારી તેમાંથી એક છે. વિહારી ભારત માટે ટેસ્ટમાં ખૂબ જ મહત્વપૂર્ણ ખેલાડી હતો.
તે મિડલ ઓર્ડરમાં શાનદાર બેટિંગ કરવાની સાથે પાર્ટ ટાઇમ બોલિંગ પણ કરતો હતો. તેણે 2020-21ના ઓસ્ટ્રેલિયા પ્રવાસ પર સિડની ટેસ્ટમાં રવિચંદ્રન અશ્વિન સાથે શાનદાર ભાગીદારી કરી હતી અને ભારત માટે મેચ બચાવી હતી. પરંતુ તેના થોડા સમય બાદ તેને અચાનક ટીમમાંથી બહાર કરી દેવામાં આવ્યો હતો. નોંધપાત્ર વાત એ છે કે હનુમા વિહારી હજુ સુધી ટીમમાં પરત ફરી શક્યા નથી. જોકે હવે તેણે પોતાની કેપ્ટનશિપથી બધાને પ્રભાવિત કર્યા છે.
હનુમા વિહારીએ સાઉથ ઝોન માટે જીતાડી દલીપ ટ્રોફી
હનુમા વિહારી દલીપ ટ્રોફીમાં દક્ષિણ ઝોનનું પ્રતિનિધિત્વ કરી રહ્યો હતો અને તેમનો કેપ્ટન પણ હતો. તેણે પોતાની કપ્તાનીમાં દક્ષિણ ઝોનને દલીપ ટ્રોફીનો ચેમ્પિયન બનાવ્યો હતો. ફાઇનલમાં સાઉથ ઝોને વેસ્ટ ઝોનને 75 રનથી હરાવ્યું હતું. એટલું જ નહીં પરંતુ બંને ઇનિંગ્સમાં હનુમા વિહારીએ ટીમ માટે બેટથી મહત્વની ભૂમિકા ભજવી હતી.
હનુમાએ ફાઇનલમાં કેપ્ટનશિપની ઇનિંગ રમી હતી
હનુમા વિહારીએ સાઉથ ઝોન માટે ફાઇનલમાં બંને ઇનિંગ્સમાં શાનદાર બેટિંગ કરી હતી. પ્રથમ દાવમાં તેણે 9 ચોગ્ગાની મદદથી 63 રન બનાવ્યા હતા, જ્યારે બીજી ઈનિંગમાં તેણે 42 રન ફટકાર્યા હતા, જેમાં તેના બેટમાંથી 7 ચોગ્ગા જોવા મળ્યા હતા. તમને જણાવી દઈએ કે આ એક લો સ્કોરિંગ મેચ હતી અને બંને ટીમોને આ પીચ પર બેટિંગ કરવામાં મુશ્કેલી પડી રહી હતી.
ટીમ ઈન્ડિયા માટે હનુમા વિહારીનું પ્રદર્શન
29 વર્ષીય હનુમા વિહારીએ અત્યાર સુધી ભારત માટે 16 ટેસ્ટ રમી છે, જેમાં તેણે 28 ઈનિંગ્સમાં 33.6ની એવરેજથી 839 રન બનાવ્યા છે. ટેસ્ટમાં તેની 1 સદી અને 5 અડધી સદી છે. આ સિવાય હનુમા વિહારીએ ટેસ્ટ ક્રિકેટમાં 5 વિકેટ પણ લીધી છે.
આવી રહી ફાઈનલ મેચની સ્થિતિ
વેસ્ટ ઝોનના કેપ્ટન પ્રિયાંક પંચાલે ટોસ જીતીને પહેલા બોલિંગ કરવાનો નિર્ણય કર્યો હતો. આવી સ્થિતિમાં દક્ષિણ ઝોન પ્રથમ દાવમાં 213 રન બનાવીને ઓલઆઉટ થઈ ગયું હતું. જવાબમાં વેસ્ટ ઝોન 146 રનમાં સમેટાઈ ગયું હતું. બીજી ઇનિંગમાં સાઉથ ઝોન 230 રન બનાવી શક્યું હતું અને વેસ્ટ ઝોન સામે 298 રનનો ટાર્ગેટ આપ્યો હતો. ઉલ્લેખનીય છે કે, પ્રિયંક પંચાલની ટીમ 222 રનમાં ઓલઆઉટ થઈ ગઈ હતી, જેના કારણે સાઉથ ઝોને 75 રનથી મેચ જીતી લીધી હતી.
આ પણ વાંચો:Wimbledon 2023/સ્પેનના અલ્કારાઝે જોકોવિચની બાદશાહત છીનવી, વિમ્બલ્ડનની ભારે રોમાંચક ફાઇનલમાં આખરી રાઉન્ડમાં જોકાવિચને આપી હાર
આ પણ વાંચો:LIONEL MESSI/દુનિયાનો સ્ટાર ફૂટબોલર લિયોનેલ મેસ્સી બાલ બાલ બચ્યો,જુઓ વીડિયો
આ પણ વાંચો:Wimbledon Final 2023/ 24 વર્ષની માર્કેટા વોન્ડ્રોસોવા વિમ્બલ્ડન ચેમ્પિયન બની, ટ્યુનિશિયાની ખેલાડીને હરાવીને રચ્યો ઈતિહાસ
