રાષ્ટ્રવાદી કોંગ્રેસ પાર્ટી (NCP)માં ફરી એકવાર ઉથલપાથલ થવાની શક્યતાઓ છે. પાર્ટીના વડા શરદ પવારે શનિવારે પુત્રી સુપ્રિયા સુલે અને પ્રફુલ પટેલને NCPના નવા કાર્યકારી પ્રમુખ તરીકે નિયુક્ત કર્યા છે. વરિષ્ઠ પવાર, જેમણે મે મહિનામાં પાર્ટીના અધ્યક્ષ પદ પરથી રાજીનામું આપ્યું હતું, તે પછી નવા કાર્યકારી પ્રમુખની વાત કરી હતી. જોકે, થોડા દિવસો પછી તેમણે નિર્ણય પાછો ખેંચી લીધો હતો.
આ માટે પાર્ટીએ પંજાબ અને હરિયાણાની જવાબદારી પણ સાંસદ સુલેને આપી છે. વરિષ્ઠ પવારના રાજીનામાની જાહેરાત બાદથી સુલેનું નામ ચર્ચામાં હતું. તેમના સિવાય ભત્રીજા અજિત પવાર અને NCPના મહારાષ્ટ્ર પ્રમુખ જયંત પાટીલને પણ મોટા દાવેદાર માનવામાં આવતા હતા. પાર્ટી કેડરએ પવારને રાજીનામું ન આપવાની અપીલ કરી હતી.
પવાર પહેલા જ સંકેત આપી ચૂક્યા છે
વર્ષ 2020માં લોકમતને આપેલા ઈન્ટરવ્યુ દરમિયાન પણ પવારે દીકરીને મોટી ભૂમિકા આપવાનો સંકેત આપ્યો હતો. તેમણે કહ્યું હતું કે, ‘તેમને રાષ્ટ્રીય રાજનીતિ અને સંસદમાં કામ કરવામાં વધુ રસ છે. તેમને સર્વશ્રેષ્ઠ સંસદસભ્યનો એવોર્ડ પણ આપવામાં આવ્યો હતો. દરેકની પોતાની પસંદગીનું ક્ષેત્ર હોય છે. તે તેમનું પણ છે.
અજિત પવારને આંચકો
છેલ્લા કેટલાક મહિનાઓથી એનસીપીમાં પવાર અને ભત્રીજા અજિત વચ્ચે ઝઘડાના અહેવાલો સામે આવી રહ્યા હતા. એવું કહેવામાં આવી રહ્યું હતું કે અજિત મહાવિકાસ અઘાડીથી અલગ થઈને એનસીપીને ભારતીય જનતા પાર્ટી સાથે લેવા માગે છે. તે દરમિયાન પાર્ટીના બે મોટા નેતાઓ વચ્ચે ધારાસભ્યોનું સમર્થન મેળવવાના પ્રયાસની વાત પણ સામે આવી હતી. આવી સ્થિતિમાં આ નિર્ણય અજિત માટે ઝટકો સાબિત થઈ શકે છે.
આ પણ વાંચો:ગાંધીના હત્યારા ગોડસે ભારતના સપૂત, બાબરની જેમ આક્રમણખોર નહીંઃ ગિરિરાજસિંહ
આ પણ વાંચો: “બિપરજોય” વાવાઝોડાને લઈને ગુજરાત સહિત ત્રણ રાજ્યોમાં એલર્ટ
આ પણ વાંચો: શ્રદ્ધાળુઓની સુરક્ષા વ્યવસ્થા માટે અમિત શાહે આપ્યા નિર્દેશ, ભક્તોનો વીમો લેવામાં આવશે, RIFD કાર્ડ મળશે
આ પણ વાંચો:સૌરવ ગાંગુલીએ ઋષભ પંતને લઇને આપ્યું મોટું નિવેદન,જાણો શું કહ્યું
આ પણ વાંચો:બંગાળ પંચાયત ચૂંટણીમાં કોંગ્રેસે ડાબેરીઓ સાથે કર્યુ ગઠબંધન, અધીર રંજન ચૌધરીએ કરી આ માંગ
