શું મહેન્દ્ર સિંહ ધોની IPL 2024 રમશે? માહી ભાઈએ આપ્યું મોટું અપડેટ

IPL 2024/ શું મહેન્દ્ર સિંહ ધોની IPL 2024 રમશે? માહી ભાઈએ આપ્યું મોટું અપડેટ

IPL 2024ને લઈને ફેન્સમાં પહેલેથી જ જોરદાર ક્રેઝ જોવા મળી રહ્યો છે. વર્લ્ડ કપ વચ્ચે IPL પણ ચર્ચામાં આવ્યો છે.

IPL 2024ને લઈને ફેન્સમાં પહેલેથી જ જોરદાર ક્રેઝ જોવા મળી રહ્યો છે. વર્લ્ડ કપ વચ્ચે IPL પણ ચર્ચામાં આવ્યો છે. ત્યારે ચેન્નાઈ સુપર કિંગ્સના કેપ્ટન મહેન્દ્ર સિંહ ધોનીએ પોતાના રમવાને લઈને એક મોટું અપડેટ આપ્યું છે. ફેન્સના મનમાં સતત સવાલો ઉઠી રહ્યા હતા કે શું માહી ભાઈ આ સિઝનમાં રમશે કે નહીં. એવી અટકળો ચાલી રહી હતી કે ઘૂંટણની સર્જરીને કારણે ધોની IPL સિઝન 2024માં રમી શકશે નહીં. હવે ધોનીએ પોતે આ અંગે અપડેટ આપ્યું છે.

શું ધોની IPL 2024 રમશે?

ભારતના પૂર્વ કેપ્ટન એમએસ ધોનીએ ચેન્નાઈ સુપર કિંગ્સ સાથે ઈન્ડિયન પ્રીમિયર લીગ 2024માં તેની ભાગીદારી અંગે મહત્ત્વપૂર્ણ સંકેત આપતાં કહ્યું છે કે તેનો ઘૂંટણ ઓપરેશનથી બચી ગયા છે અને તે પુનર્વસન પ્રક્રિયામાંથી પસાર થઈ રહ્યો છે. છેલ્લી IPL સિઝનના સમાપ્તિ બાદ ધોનીએ ઘૂંટણની સર્જરી કરાવી હતી અને હવે તેણે ખુલાસો કર્યો છે કે તેને કોઈ સમસ્યાનો સામનો કરવો પડી રહ્યો નથી. ડોક્ટરે કહ્યું કે તે નવેમ્બર સુધીમાં ઘણું સારું અનુભવશે. માહીએ આ વાત બેંગલુરુમાં એક કાર્યક્રમ દરમિયાન કહી હતી. આનાથી સ્પષ્ટ છે કે ધોનીએ સંકેત આપ્યો છે કે તે IPL સિઝન 2024માં રમતા જોવા મળી શકે છે. આ કારણે ચાહકોમાં IPLને લઈને ઉત્તેજના વધુ વધી ગઈ છે.

પ્રથમ વખત વિદેશમાં હરાજી થશે

ઈજાગ્રસ્ત થયા બાદ ધોનીએ કહ્યું હતું કે, તે આગામી IPL સિઝનમાં પુનરાગમન કરવાનો પૂરો પ્રયાસ કરશે. ધોનીએ વધુમાં કહ્યું હતું કે મારા માટે નિવૃત્તિ લેવી આસાન હશે, પરંતુ ચેન્નાઈના ચાહકો તરફથી મને જે પ્રેમ મળ્યો છે તે તેમને વધુ એક સિઝન રમવાની ભેટ આપવા જેવું હશે. નોંધનીય છે કે, IPL 2024 સીઝનની શરૂઆત પહેલા 19 ડિસેમ્બરે પ્રથમ વખત વિદેશમાં ખેલાડીઓની હરાજી થશે. ખેલાડીઓની હરાજી દુબઈમાં થવા જઈ રહી છે.