ભારતીય શેરબજારની ગતિ આજે ધીમી છે અને બજારની શરૂઆત સુસ્ત થઈ ગઈ છે. PSU બેન્ક ઈન્ડેક્સમાં ઘટાડો થઈ રહ્યો છે અને તેના કારણે બેન્ક શેર્સમાં નબળાઈ જોવા મળી રહી છે જે બજારને નીચે ખેંચી રહ્યું છે. સ્થાનિક બજારમાં પ્રોફિટ બુકિંગનું વર્ચસ્વ છે અને સ્મોલકેપ-મિડકેપ સૂચકાંકો લાલ નિશાનમાં ટ્રેડ થઈ રહ્યા છે. મેટલ ઈન્ડેક્સ, ફાર્મા ઈન્ડેક્સ, ફાઈનાન્સિયલ સર્વિસ સેક્ટર, આઈટી સેક્ટર અને બેન્કિંગ સેક્ટર પર દબાણના કારણે માર્કેટમાં ઉત્સાહ જોવા મળી રહ્યો નથી અને તે હજુ પણ ઘટાડા પર છે.
શરૂઆત કેવી રહી
આજે BSE સેન્સેક્સ 148.51 પોઈન્ટ્સ અથવા 0.20 ટકાના ઘટાડા સાથે 74,889 ના સ્તર પર ખુલ્યો છે અને NSE નો નિફ્ટી 76.40 પોઈન્ટ્સ અથવા 0.34 ટકાની નબળાઈ સાથે 22,677 ના સ્તર પર ખુલ્યો છે.
BSE અને NSE
BSE સેન્સેક્સના 30 શેરમાંથી 11 શેર ઉછાળા સાથે ટ્રેડ થઈ રહ્યા છે અને 19 શેરમાં ઘટાડો નોંધાઈ રહ્યો છે. બજારના ટોપ ગેઇનર્સમાં NTPC 2.68 ટકા, ટાટા મોટર્સ 1.27 ટકા, L&T 0.66 ટકા, નેસ્લે 0.56 ટકા અને રિલાયન્સ ઇન્ડસ્ટ્રીઝ 0.36 ટકા પર ટ્રેડ કરી રહ્યાં છે. આ સિવાય આજે સેન્સેક્સ ટોપ લૂઝર્સમાં સન ફાર્મા 1.50 ટકા તૂટ્યો છે. મારુતિ 1.28 ટકા, JSW સ્ટીલ 1.22 ટકા, કોટક મહિન્દ્રા બેન્ક લગભગ એક ટકા અને એશિયન પેઇન્ટ્સ 0.85 ટકા ઘટીને ટ્રેડ કરી રહ્યાં છે. NSE નિફ્ટીના 50 શેરોમાંથી માત્ર 17 શેર વધી રહ્યા છે અને 33 શેરો ઘટી રહ્યા છે. નિફ્ટીના સૌથી વધુ વધતા શેરોમાં NTPC, ટાટા મોટર્સ, DVZ લેબ્સ, કોલ ઈન્ડિયા અને નેસ્લેના નામ દેખાઈ રહ્યા છે. સન ફાર્મા, જેએસડબલ્યુ સ્ટીલ, મારુતિ, શ્રીરામ ફાઇનાન્સ અને ગ્રાસિમના શેરમાં સૌથી વધુ ઘટાડો જોવા મળી રહ્યો છે.
BSEનું માર્કેટ કેપ રૂ. 402.56 લાખ કરોડ થઈ ગયું છે અને હાલમાં BSE પર 3067 શેરનો વેપાર થઈ રહ્યો છે. તેમાંથી 1624 શેર વધી રહ્યા છે અને 1301 શેર ઘટી રહ્યા છે જ્યારે 142 શેર કોઈપણ ફેરફાર વગર ટ્રેડ થઈ રહ્યા છે. 103 શેરમાં અપર સર્કિટ અને 51 શેરમાં નીચલી સર્કિટ છે. 89 શેરો એવા છે જે 52 સપ્તાહના ઉચ્ચ સ્તરે ટ્રેડ થઈ રહ્યા છે અને 6 શેર એક વર્ષના નીચલા સ્તરે ટ્રેડ થઈ રહ્યા છે.
આર્થિક મોરચે ભારે ઉથલપાથલ
કોટક મહિન્દ્રા બેંકના સ્થાપક અને નોન-એક્ઝિક્યુટિવ ડિરેક્ટર ઉદય કોટકે આર્થિક મોરચે ભારે ઉથલપાથલની ચેતવણી આપી છે. ઉદય કોટક કહે છે કે આપણે બધાએ વધેલા વ્યાજ દરો સહન કરવા તૈયાર રહેવું જોઈએ. અમેરિકામાં વધતી મોંઘવારીના કારણે વ્યાજદરમાં ઘટાડો કરવાનો નિર્ણય મોકૂફ રાખવામાં આવ્યો છે. બ્રેન્ટ ક્રૂડ ઓઈલની કિંમતો વધી રહી છે. આના કારણે સમગ્ર વિશ્વએ ઊંચા વ્યાજ દરો સહન કરવા પડશે. આમાં ભારત પણ સામેલ છે.
આ પણ વાંચો:સોનગઢ નજીક ઝાડ સાથે કાર અથડાતા અકસ્માત, બાળકી સહિત ત્રણ લોકોના મોત
આ પણ વાંચોઃ Weather News/ગુજરાતમાં માવઠું, જાણો ક્યારે કમોસમી વરસાદ પડશે
આ પણ વાંચોઃ Board result/બોર્ડની પરીક્ષાનું પરિણામ વહેલા જાહેર થાય તેવી સંભાવના
