નવી દિલ્હી: EPF વ્યાજ દર 2022-23: નાણાં મંત્રાલયે નાણાકીય વર્ષ 2023 માટે 8.15 ટકાના વ્યાજ દરને મંજૂરી આપી છે. અગાઉ, કર્મચારી ભવિષ્ય નિધિ સંગઠન (EPFO)એ સરકારને આટલું વ્યાજ ચૂકવવાની ભલામણ કરી હતી. હવે, સરકાર વતી, નાણા મંત્રાલયે આનો સ્વીકાર કરીને એક નોટિફિકેશન બહાર પાડ્યું છે.
EPFOએ 2022-23 માટે એમ્પ્લોઈઝ પ્રોવિડન્ટ ફંડ (EPF) પર વ્યાજ દરમાં વધારો કર્યો છે. હવે એમ્પ્લોઈઝ પ્રોવિડન્ટ ફંડ (EPF) પર વ્યાજ દર વધારીને 8.15 ટકા કરવામાં આવશે. જણાવી દઈએ કે નાણાકીય વર્ષ 21-22 માટે આ દર 8.10 ટકા હતો. અગાઉ માર્ચમાં, તેની બે દિવસીય બેઠકમાં, EPFOએ તેના ગ્રાહકો માટે 2022-23 માટે કર્મચારી ભવિષ્ય નિધિ (EPF) પર વ્યાજ દર વધારવાની જાહેરાત કરી હતી. આ પછી, 2022-23 માટે EPF થાપણો પર વ્યાજ દરમાં વધારો કરવા માટે, તેને મંજૂરી માટે નાણાં મંત્રાલયને મોકલવામાં આવ્યો હતો, જેને આજે મંજૂરી આપવામાં આવી છે. હવે સરકારની મંજૂરી મળ્યા બાદ, 2022-23 માટે EPF પર વ્યાજ દર EPFOના પાંચ કરોડથી વધુ ખાતાધારકોના ખાતામાં ટ્રાન્સફર કરવામાં આવશે.
માર્ચ 2022 માં, EPFO એ 2021-22 માટે તેના લગભગ પાંચ કરોડ સબ્સ્ક્રાઇબર્સના EPF (કર્મચારી ભવિષ્ય નિધિ) પરના વ્યાજ દરને ચાર દાયકાથી વધુના નીચા સ્તરે 8.1 ટકા પર લાવ્યો હતો. આ દર 1977-78 પછી સૌથી નીચો હતો, જ્યારે EPF પર આઠ ટકા વ્યાજ દરનો ઉપયોગ થતો હતો. માર્ચ 2020માં EPFOએ પ્રોવિડન્ટ ફંડ ડિપોઝિટ પર વ્યાજ દર ઘટાડીને 8.5 ટકાના સાત મહિનાના નીચા સ્તરે કર્યો હતો. 2018-19 માટે તે 8.65 ટકા હતો.
આ પણ વાંચોઃ Indian Student Murder/ કેનેડામાં કાર લૂંટારાઓએ 24 વર્ષીય ભારતીય વિદ્યાર્થીની હુમલો કરીને હત્યા કરી
આ પણ વાંચોઃ Surat/ સુરતમાં પાણીજન્ય અને મચ્છરજન્ય રોગચાળો વધ્યો, જાણો પાલિકાના ચોપડે કેટલા કેસ નોંધાયા
આ પણ વાંચોઃ House Collapse/ જૂનાગઢમાં મકાન ધરાશાયીઃ ચારથી પાંચ દટાયા હોવાની શક્યતા
આ પણ વાંચોઃ ભાવનગર તોડકાંડ/ ભાવનગર તોડકાંડમાં યુવરાજસિંહને રાહતઃ જામીન મંજૂર કરાયા
આ પણ વાંચોઃ Surat/ સુરતના સુવાલીના દરિયા કિનારે થી મળ્યો 9 કિલો થી વધુ ચરસનો જથ્થો, સુરત પોલીસે ATS તેમજ કેન્દ્રીય એજન્સીને માહિતી આપી
