ઈઝરાયેલ અને પેલેસ્ટાઈન આતંકવાદી સંગઠન હમાસ વચ્ચે યુદ્ધ ચાલી રહ્યું છે. આ દરમિયાન ઈઝરાયેલે હમાસને જડમૂળથી ઉખેડી નાખવાનો નવો પ્લાન બનાવ્યો છે. સોમવારે એક રિપોર્ટમાં આ અંગેનો મોટો ખુલાસો થયો છે. ઈઝરાયલે ગાઝા પટ્ટીની નીચે હમાસની ટનલની સિસ્ટમને ભૂમધ્ય સમુદ્રમાંથી પમ્પ કરેલા દરિયાઇ પાણીથી ભરવાની યોજના તૈયાર કરી છે.
મીડિયા રિપોર્ટ અનુસાર, તેમનો ઉદ્દેશ્ય આતંકી જૂથના માર્ગો અને છુપાયેલા સ્થળોના ભૂગર્ભ નેટવર્કને નષ્ટ કરવાનો અને તેના લડકુઓને જમીનથી ઉપર લઈ આવવાનો છે. વોલ સ્ટ્રીટ જર્નલે યુએસ અધિકારીઓને ટાંકીને અહેવાલ આપ્યો છે કે, ઈઝરાયેલ ડિફેન્સ ફોર્સે ગયા મહિને ગાઝા શહેરમાં અલ-શાતી શરણાર્થી શિબિર પાસે પાંચ મોટા પાણીના પમ્પ લગાવ્યા હતા.
આ પમ્પ કલાકના હજારો ક્યુબિક મીટર પાણીને પમ્પ કરીને થોડા અઠવાડિયામાં ટનલને પાણીથી ભરવામાં સક્ષમ છે. અધિકારીઓએ જણાવ્યું હતું કે ઈઝરાયેલે ગયા મહિને યુએસને આ યોજના વિશે ચેતવણી આપી હતી, પરંતુ હજુ સુધી તેનો અમલ કરવો કે નહીં તે નક્કી કર્યું નથી. અહેવાલમાં કહેવામાં આવ્યું છે કે હમાસ દ્વારા દક્ષિણ ઈઝરાયેલમાં ઓક્ટોબર 7ના હુમલા દરમિયાન અપહરણ કરાયેલા તમામ બંધકોને મુક્ત કર્યા બાદ IDF ટનલને પૂર માટે પગલાં લેશે કે કેમ તે અસ્પષ્ટ છે. કારણ કે એવી આશંકા છે કે આતંકી સંગઠને આ બંધકોને આ સુરંગમાં છુપાવીને રાખ્યા હશે.
રિપોર્ટ અનુસાર, જો બાઈડેન વહીવટીતંત્રમાં આ ઈઝરાયેલની યોજના અંગે મિશ્ર અભિપ્રાયો હતા, કેટલાક અધિકારીઓએ ઈઝરાયેલની યોજના અંગે ચિંતા વ્યક્ત કરી હતી. જ્યારે અન્ય લોકોએ જણાવ્યું હતું કે તેઓ ટનલને નષ્ટ કરવાના ઈઝરાયેલના પ્રયાસોને સમર્થન આપે છે અને જરૂરી નથી કે તેમનો કોઈ અમેરિકન વિરોધ હોય. જો કે, વોલ સ્ટ્રીટ જર્નલમાં આ પ્લાનને લગતી ઘણી ચિંતાઓ પણ પ્રકાશિત કરવામાં આવી છે. તેમાં કહેવામાં આવ્યું છે કે આનાથી ગાઝાની જમીનને સંભવિત નુકસાન થઈ શકે છે. જો સુરંગોમાં દરિયાના પાણી અને ખતરનાક પદાર્થોનું મિશ્રણ હોય તો તે ઘણું ખતરનાક બની શકે છે. સાથે ઈમારતોના પાયા પર સંભવિત અસર પણ ઉજાગર કરવામાં આવી છે.
આ પણ વાંચો:
આ પણ વાંચો:
આ પણ વાંચો: